देउसी खेल्न हिडेका कलाकार चढेको बस दुर्घटना, ३२ जना घाइते

हेटौँडा । मकवानपुरमा देउसी खेल्न कलाकार चढेको बस दुर्घटना भएको छ । दुर्घटनामा परि ३२ जना घाइते भएका छन् ।

गए राति करिब सवा १ बजेको समयमा मकवानपुरको बकैया गाउँपालिका–४ मा बागमती प्रदेश ०३–००१ ख १३०९ न.को बस दुर्घटनामा परेको हो ।

देउसी खेलेर हेटौंडातर्फ फर्किने क्रममा राष्ट्रिय लोकदोहोरी प्रतिष्ठान मकवानपुरको ३२ जना कलकारहरु चढेको बस अनियन्त्रित भइ सडक छेउको खेतमा पल्टिएको जिल्ला प्रहरी कार्यालय मकवानपुरले जनाएको छ ।

घाइते मध्ये ५ जनाको अवस्था गम्भीर रहको प्रहरीले जनाएको छ । घाइतेहरुको हेटौंडा र चितवनका अस्पतालमा उपचार भइरहेको छ ।