प्रदेश -१ को मुख्यमन्त्रीमा राजेन्द्र राई नियुक्त, ३ बजे शपथ

सफल खबर संवाददाता

मंगलबार, १६ कार्तिक २०७८, १४ : १०
प्रदेश -१ को मुख्यमन्त्रीमा राजेन्द्र राई नियुक्त, ३ बजे शपथ

विराटनगर । नेकपा (एकीकृत समाजवादी)का नेता राजेन्द्र राई प्रदेश १ को मुख्यमन्त्रीमा नियुक्त भएका छन् । प्रदेश -१ का प्रदेश प्रमुख सोनाथ अधिकारी प्यासीले मंगलबार उनलाई मुख्यमन्त्रीमा नियुक्त गरेका हुन् । 

नवनियुक्त मुख्यमन्त्री राईको मंगलबार अपरान्ह ३ बजे शपथ ग्रहण हुने प्रदेश प्रमुखको कार्यालयका शाखा अधिकृत विमल पौडेलले जानकारी दिए । 

नवनियुक्त मुख्यमन्त्री राईले मंगलबारै पाँच सदस्यीय मन्त्रिपरिषद् गठन गर्ने तयारी गरेका छन् ।