मासु भाग लगाउने क्रममा विवाद हुँदा हत्या

सफल खबर संवाददाता

बुधबार, २७ असोज २०७८, १६ : ३१
मासु भाग लगाउने क्रममा विवाद हुँदा हत्या

सिन्धुली । दसैँमा मासु भाग लगाउने क्रममा भएको विवादको क्रममा एक युवकको हत्या भएको छ । सिन्धुलीको कमलामाई नगरपालिका ११ छतिवन बस्ने २१ वर्षीय बिक्रम लामगादेको हत्या भएको हो । 

CG Developers Tansen Cement box

फूलपातीको अवसरमा गाउँमा स्थानीय मिली राँगा काटी मासु भाग लगाउने क्रममा विवाद भई झगडा हुँदा बिक्रममाथि दाउराको चिर्पट प्रहार गर्दा गम्भीर घाइते भएका थिए । जिल्ला अस्पताल सिन्धुलीमा उपचारको क्रममा मृत्यु भएको थियो । 

उनको मृत्युपछि जिल्ला प्रहरी कार्यालय सिन्धुली र इलाका प्रहरी कार्यालय भिमानबाट खटिएको प्रहरीले स्थानीय दुई जनालाई पक्राउ गरेको छ । पक्राउ पर्नेहरुमा सोही ठाउँ बस्ने ३० वर्षीय मेख बहादुर जर्गा मगर र २५ वर्षीय दिनेश जर्गा मगर रहेका छन् ।

प्रतिक्रिया दिनुहोस