माधव नेपाल चर्केपछि बागमती र प्रदेश १ को मुख्यमन्त्री दिन सत्तारुढ गठबन्धन तयार

सफल खबर संवाददाता

विहीबार, २१ असोज २०७८, १७ : १७
माधव नेपाल चर्केपछि बागमती र प्रदेश १ को मुख्यमन्त्री दिन सत्तारुढ गठबन्धन तयार

काठमाडौं । सहमतिभन्दा एक मन्त्रालय बढी राखेको नेपाली कांग्रेसले नेकपा एसका अध्यक्ष माधव नेपाललाई मिलाउन बागमती र प्रदेश १ मा मुख्यमन्त्री दिन सहमति जनाएको छ ।

CG Developers Tansen Cement box

कांग्रेसले सहमति जनाएसँगै सत्तारुढ गठबन्धन पनि बागमती र प्रदेश १ को मुख्यमन्त्री दिन राजी भएका हुन् । बालुवाटारमा आज भएको सत्तारुढ गठबन्धनको बैठकमा सहमतिबेगर कम मन्त्रालय दिने भन्दै माधव नेपाल चर्केपछि बागमती र प्रदेश १ को मुख्यमन्त्री दिन सत्तारुढ गठबन्धन तयार भएको स्रोतको भनाइ छ ।  

सत्तारुढ गठबन्धनमा मन्त्रिपरिषद् विस्तारको भागबण्डा पेचिलो बनिरहेको बेला नेकपा एकीकृत समाजवादीलाई मनाउन दुई प्रदेशका मुख्यमन्त्री दिने सहमति भएको हो।प्रधानमन्त्री निवास बालुवाटारमा बसेको गठबन्धनका शीर्ष नेताको बैठकमा प्रदेश नम्बर १ र वागमतीको मुख्यमन्त्री नेकपा एसलाई दिने सहमति भएको बैठक स्रोतले जनाएको छ । 

नेता नेपाल बालुवाटार बैठकबाट बाहिरिएका छन् । यसअघि वागमतीमा कांग्रेसले मुख्यमन्त्री दावी गरे पनि भागबन्डामा असन्तुष्ट जनाएपछि माधव नेपालको पार्टीलाई बागमती र प्रदेश १ को मुख्यमन्त्री दिने सहमति भएको हो । नेकपा एसबाट प्रदेश १ मा राजेन्द्र राई र वागमतीमा राजेन्द्र पाण्डे मुख्यमन्त्रीको दाबेदार छन् । 

प्रतिक्रिया दिनुहोस