एक करोड डोज खोप आउने निश्चित

काठमाडौं । प्रधानमन्त्री शेरबहादुर देउवाले एक करोड मात्रा खोप आउने सुुनिश्चित भएको बताएका छन् । संयुुक्त राज्य अमेरिकाको नेतृत्वमा भएको विश्व कोभिड–१९ सम्मेलनलाई भर्चुअल सम्बोधन गर्दै प्रधानमन्त्री देउवाले यस वर्ष लक्षित जनसङ्ख्यामध्ये कम्तीमा  आधा  जनसङ्ख्यालाई  एक  मात्रा  खोप  लगाउने जानकारी दिए ।

उनले हालसम्म एक चौथाइ बढीले खोपको पूर्णमात्रा  पाइसकेको  प्रस्ट  पारे ।  अबको  खोप  अभियानका  लागि  एक  करोड  मात्रा  खोप  सुनिश्चित  गरिएको  समेत  प्रधानमन्त्री  देउवाले  जानकारी दिए । उनले भने, “अबको हाम्रो ध्यान सक्रिय जनसङ्ख्याका रूपमा रहेको १२–१८  वर्ष  उमेर  समूूहलाई  खोप  लगाउनेतर्फ  केन्द्रित रहेको छ ।

”प्रधानमन्त्री  देउवाले  नेपालले  स्वास्थ्य  पूर्वाधारमा  सुधार,  अक्सिजन  र  अत्यावश्यक  चिकित्सा सामग्रीको आपूर्ति र परीक्षण सुविधाको विस्तारमा  केन्द्रित  भएको  सम्मेलनमा  जानकारी गराए । गोरखापत्रले खबर छापेको छ ।