पहिरोले पृथ्वीराजमार्ग अवरूद्ध

चितवन । अविरल वर्षापछि खसेको पहिरोका कारण पृथ्वी राजमार्ग अवरुद्ध भएको छ । इच्छाकामना गाउँपालिका४  घोप्टे भिरमा पहिरो खस्दा सडक अवरुद्ध भएको छ । चितवन जिल्ला ट्राफिक प्रहरी कार्यालयका अनुसार बाटो दुईतर्फी नै अवरुद्ध भएको छ । 

मध्य रातमा पहिरो गएको थियो । अहिले बुधबार बिहान ५ बजेबाट पहिरो पन्छाउन थालिएको छ । सडक खुलाउन ३–४ घण्टा लाग्न सक्ने चितवन जिल्ला ट्राफिक प्रहरीले जनाएको छ । ८, ९ बजेयता बाटो खुल्ने सम्भावना नरहेको प्रहरीको भनाइ छ । पहिरो खसेर सडक अवरूद्ध हुँदा सवारी साधनको लाम लागेको छ ।