सुनसरी । सुनसरी रामधुनी नगरपालिका-६ कान्छिचौक–चतरा सडक खण्डको सुनसरी खोला पुलमा मोटरसाइकल अनियन्त्रित भई दुर्घटना हुँदा चालकको मृत्यु भएको छ । पछाडि सवार घाइते भएका छन् ।
मृत्यु हुनेमा मोरङ कानेपोखरी गाउँपालिका ६ का १८ वर्षीय रितिक राई रहेको प्रहरीले जनाएको छ । पछाडि सवार सोही स्थानका २१ वर्षीय निरज राईको उपचार भइरहेको छ ।
गएराति १२ बजे उत्तरतर्फ जाँदै गरेको को ३६ प ९५८ नम्बरको मोटरसाइकल आफैं अनियन्त्रित भई पुलमा ठोक्किएर दुर्घटना हुँदा घाइते भएका दुवैलाई उपचारको लागि धरानमा पठाइएको थियो । गम्भीर अवस्थामा रहेका रितिकको आज बिहान ३ बजे उपचारको क्रममा मृत्यु भएको छ । घाइते निरजलाई थप उपचारको लागि विराट नर्सिङ होम विराटनगर रेफर गरिएको छ ।दुर्घटना भएको मोटरसाइकल इलाका प्रहरी कार्यालय पकलीमा राखिएको छ । घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस
सफल खबर संवाददाता
शुक्रबार, २५ भदौ २०७८, १२ : ४४
लेखकबाट थप
सम्बन्धित समाचारहरु
गुल्मीमा मोटरसाइकल दुर्घटना, एकजनाको मृत्यु, एक घाइते
झापामा मोटरसाइकल दुर्घटना हुँदा एक युवकको मृत्यु, अर्का घाइते
काभ्रेको भुम्लुमा सुमो दुर्घटना, १० घाइते
झापामा मोटरसाइकल दुर्घटना, तीन जनाको मृत्यु
अभ्यासका क्रममा मलेसियन आर्मीका दुई हेलिकप्टर ठोक्किए, १० जनाको मृत्यु
ट्रयाक्टर दुर्घटनामा एकको मृत्यु, चार जना घाइते