दार्चुला घटनाको प्रतिवेदन बुझेपछि के भने गृहमन्त्रीले ?

काठमाडौं । दार्चुलाका  जयसिंह  धामी  बेपत्ता  भएको  घटनामा  भारतीय  सुरक्षा  निकाय  एसएसबीको  उपस्थिति रहेको गृह मन्त्रालयले जनाएको छ  ।  दार्चुलाको  व्यास  गाउँपालिका–२,  खाङदाङका  धामी  मालघाटबाट  साउन  १५ गते तुइनको प्रयोग गरी भारततर्फको बाटो  हुँदै  सदरमुकाम  खलङ्गा  आउने  क्रममा बेपत्ता भएका थिए । 

घटनाका  सम्बन्धमा  सत्यतथ्य  छानबिन गर्न गृह मन्त्रालयका सहसचिव जनार्दन  गौतमको  संयोजकत्वमा  गठित  छानबिन  समितिले  मङ्गलबार  गृहमन्त्रीसमक्ष प्रतिवेदन पेस गरेको छ । प्रतिवेदनअनुसार  घटना  हुँदा  भारतीय  एसएसबीका  सुरक्षाकर्मीको  उपस्थिति  रहेको मन्त्रालयले विज्ञप्तिमार्फत जनाएको छ ।

प्रतिवेदन बुझ्दै गृहमन्त्री बालकृष्ण खाणले प्रतिवेदन कार्यान्वयन गर्न सरकार प्रतिबद्ध  रहेको  बताउँदै  कार्यान्वयनको  प्रक्रिया  थाल्न  गृहसचिव  टेकनारायण  पाण्डेलाई निर्देशन दिए ।

उनले नागरिकको  जीवन  रक्षाका  लागि  सरकार  प्रतिबद्ध  रहेको  बताउँदै  स्थलगत  रूपमा  पुगेर  तयार  पारिएको  प्रतिवेदनले  नागरिकमा  विश्वास  जगाउनेमा  आफू  आशावादी  रहेको बताए । गोरखापत्रमा खबर छ ।