बढ्यो सुनको भाउ , कति पुग्यो तोलाको ?

काठमाडौं ।  नेपाली बजारमा सुनचाँदीकै मूल्य आज बढेको छ । गत सोमबार प्रतितोला ९१ हजार १०० रुपैयाँमा कारोबार भएको सुनको मूल्य (आज) मंगलबार तोलामै ५०० रुपैयाँले बढेर ९१ हजार ६०० रुपैयाँ पुगेको हो । 

यस्तै, यता चाँदीको मूल्य समेत गत सोमबारको तुलनामा प्रतितोला १० रुपैयाँले वृद्धि हुँदै मंगलबार एक हजार २०० रुपैयाँ पुगेको नेपाल सुनचाँदी व्यवसायी महासंघले जनाएको छ । 

बजारमा राम्रै किनबेच हुने तेजाबी सुनको मूल्य समेत मंगलबार प्रतितोला ५०० रुपैयाँले नै वृद्धि हुँदै ९१ हजार १०० रुपैयाँ कायम भएको महासंघले जनाएको छ ।