माधव नेपाल निकट समाजवादी पार्टीको बैठकले १० बुँदे घोषणा पत्र जारी गर्दै

सफल खबर संवाददाता

मंगलबार, ०८ भदौ २०७८, १० : ५६
माधव नेपाल निकट समाजवादी पार्टीको बैठकले १० बुँदे घोषणा पत्र जारी गर्दै

काठमाडौँ । नेकपा (एकीकृत समाजवादी) चन्द्रागिरिमा जारी पार्टीको केन्द्रीय समिति बैठकले १० बुंदे घोषणा पत्र जारी गर्ने भएको छ ।  पार्टी गठनको घोषणापछि पहिलोपटक केन्द्रीय समिति बैठक बसेको हो ।

CG Developers Tansen Cement box

सो बैठकमा पार्टीको विधान तथा नियमावलीमाथि छलफल हुने  बैठकले पार्टी स्थापनाको १० बुँदे घोषणा पत्र जारी गर्ने छ। बैठकलाई  अध्यक्ष माधवकुमार नेपालले सम्बोधन गर्ने छन्।

नेता नेपालले आफू पक्षीय नेताहरुलाई सोमबार राति वितरण गरेको घोषणा पत्रमा नेकपा (एकीकृत समाजवादी) लाई नेपाली सर्वहारा श्रमजीवी वर्गको हित प्रतिनिधित्व गर्ने राजनीतिक संस्थाका रुपमा स्थापित गर्ने उल्लेख छ।

प्रस्तावित पार्टीका अध्यक्ष नेपालले तयार पारेको पार्टीको घोषणा पत्र र अन्तरिम विधान आयोजित प्रस्तावित पार्टीका केन्द्रीय सदस्य र सांसदको बैठकका क्रममा अध्ययनका लागि भन्दै वितरण गरिएको थियो।