माधव नेपाललाई साथ नदिएका मध्यमार्गी नेताले भने– ओलीले १० बुँदे पालना नगरे पार्टीभित्रै विद्रोह

काठमाडौं । नेकपा (एमाले) विभाजनमा माधव नेपाललाई साथ नदिएका नेताहरुले १० बुँदे पालना नभए पाटीभित्रै विद्रोह हुने चेतावनी दिएका छन् । 

महाराजगंजस्थित एक पार्टी प्यालेसमा मध्यमार्गी स्थायी कमिटी सदस्य र केन्द्रीय कमिटी सदस्यहरुको बैठकले १० बुँदेको अक्षरशः पालना गराउन अध्यक्ष केपी ओलीलाई थप दबाब दिने निर्णय गरेका छन् ।  

फागुन २८ यता भएका सबै निर्णय खारेज गराउन अपील गरिने बैठकले निर्णय गरेको छ । अध्यक्ष केपी शर्मा ओली त्यसका लािग तयार नभए विद्रोह हुने निर्णय बैठकले गरेको छ । अध्यक्ष ओलीले १० बुँदे अक्षरशः पालना हुने बताइसकेका छन् । उनीहरुले पार्टीमा १४ जनामाथि गर्ने भनिएको कारवाही रद्द गर्नुपर्ने माग अघि सारेका छन् ।