माधव नेपालको चुनाव चिन्ह ‘खुला किताब’ पहिल्यै बुक

काठमाडौं । माधव नेपाल समूहले प्रस्तावित नयाँ पार्टीका लागि रोजेको चुनाव चिन्ह ‘खुल्ला किताब’ पहिल्यै बुक भएको पाइएको छ ।

उन्नत लोकतान्त्रिक पार्टीले यस अघि नै ‘खुल्ला किताब’ चुनाव चिन्ह लिइसकेको छ । नेपाल समूहलाई खुला किताब दिए अदालत जाने चेतावनी उन्नत लोकतान्त्रिक पार्टीले दिएको छ । 

उन्नत पार्टीका नेताहरु निर्वाचन आयोगमा पुगेका थिए । पार्टीका केन्द्रिय सदस्य बोधराज न्यौपानेले आफूहरुको दर्ता हुँदाहुँदै किताब चुनाव चिन्ह अरुलाई दिइए आफूहरू सर्वोच्चमा जाने बताए ।