चीन बन्यो गरिब मुक्त देश, २०३० को दिगो विकासको गरिबी निवारण लक्ष्य १० वर्ष अगाडि नै पुरा

काठमाडौं । चीनले आफना  नागरिकलाई गरिबी मुक्त गरेको छ । ८३२ वटा गरिब जिल्ला र १ लाख २८ हजार गरिब गाउँ गरिबीको रेखा बाट माथि उठेका हुन् ।

चीनको राज्य परिषद् प्रेस कार्यालयले चीनको मानवअधिकार कार्य र विकासको गौरवशाली अध्याय शीर्षकको श्वेत पत्र सार्वजनिक गरेर अव कोहि नागरिक गरिव नभएको बताएको हो ।  

श्वेत पत्रका अनुसार, ग्रामीण क्षेत्रमा हरेक सर्वसाधारणको वार्षिक जीवनस्तर २ हजार ३०० चिनियाँ युआनभन्दा कम भएकोलाई गरिब मानिने वर्तमानको मापदण्ड बमोजिम सन २०२० को अन्त्य सम्म चीनका समस्त ९ करोड ८९ लाख ९० हजार नागरिक गरिबीबाट मुक्त भएको उल्यख गरेको छ ।

यो संगै ८३२ वटा गरिब जिल्ला र १ लाख २८ हजार गरिब गाउँ गरिबीको सूचिबाट चिनले हटाएको छ ।

श्वेत पत्रले उल्लेख गरेअनुसार, सुधार तथा खुल्लापन नीति चलाएयता वर्तमान गरिब मापदण्ड बमोजिम चीनका ७७ करोडलाई गरिबीबाट जोगाइएको छ ।

चीनले संयुक्त राष्ट्र संघ सन २०३० दिगो विकासको गरिबी निवारण लक्ष्यभन्दा १० वर्षअघि नै पूरा गरेर विश्वको गरिबी निवारण कार्य र मानवजातिको विकासलाई ठूलो योगदान गरिएको छ ।