माधव नेपाल निवास फेरि किन पुगे प्रचण्ड ?

काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड) एमाले वरिष्ठ नेता माधव नेपाल भेटन उनकै निवास कोटेश्वर पुगेका छन् । केही वेर अगाडी मात्रै प्रचण्ड नेपाल भेटन कोटेश्वर पुगेका हुन् ।

सत्ता गठव्नधन दल सरकार विस्तारको थप तयारीमा लागेपछि नेपाल भेटन प्रचण्ड कोटेश्वर पुगेका हुन् ।नेपाल र ओलीका बीचमा थप विवाद चर्किएको र नेपाललाई अलग्गै राखेर ओलीले धमाधम एकलौटी पार्टी काम अगाडी ब ढाउने, आफुलाई थप अिधकार लिने गरी फेरि गत फागुन २८ कै निर्णयलाई निरन्तरता दिने गरी अगाडी बढेपछि एमालेभित्रको विवाद मिल्ने भन्दा झन बिग्रने वतावरणमा पुगेको छ ।

यही बेला नेपाललाई भेटन प्रचण्ड पुगेका हुन् । प्रचण्ड र माधव नेपालका बीचमा पटक पटक भेटघाट र राजनीतिक कुराकानी हुदै आएको छ । हिजो मात्रै देउवाको दुत बनेर गृहमन्त्री बालकृष्ण खाँण पनि माधव नेपाल भेटन नेपाल निवास कोटेश्वर गएका थिए । उनले पनि नेपाल पक्षलाई सरकारमा आउन अपिल गरेका थिए ।

नेपालले आफु निकटका केन्द्रीय नेताहरुसँगको अबको राणनीतिका बारेमा छलफल गरिरहेका बेला नेपाल निवासमा सत्ता गठबन्धन दलका नेताहरुको बाक्लो भेटघाट पनि शुरु भएको छ ।