लुम्बिनी प्रदेशकी सांसद बिमला वलीको पद गुम्ने !

काठमाडौं  । लुम्विनी प्रदेश सभा सदस्य विमला वली कहिले एमाले, कहिले माओवादी बनिरहेकी छिन् । तत्कालिन एमाले र माओवादी एकताका बेला नेकपाबाट उपचुनावमार्फत प्रदेश सभा सदस्य निर्वाचित वलीको पद धरापमा परेको छ । उनको पद धरापमा अरुका कारण होइन, उनी आफ्नै कारणले पर्न लागेको हो । उनका श्रीमान उत्तरकुमार वली एमाले  नेता थिए । उत्तरले दाङको दाङ निर्वाचन क्षेत्र नं. ३ को प्रदेशसभा ‘ख’ बाट निर्वाचन जितेका थिए ।

तर उनको २०७५ फागुन १० गते बुटवलबाट दाङ फर्किदै गरेका बेला सवारी दुर्घटनामा मृत्यु भयो । त्यपछि त्यो क्षेत्रमा उपचुनाव भयो । त्यसबेला एमाले र माओवादी पार्टी एक भईसकेको थियो । नेकपाबाट उपचुनावमा सूर्य चिन्ह लिएर उत्तरकै श्रीमाती विमला वलीलाई उम्मेदवार बनाउने निर्णय नेकपाले लियो । विमला उम्मेदवार बनिन्, उनले नेकपाबाट चुनाव पनि जितिन् । तर परिस्थिती यस्तो भईदियो, उनले जुन पार्टीको नाममा चुनाव जितिन्, त्यो पार्टी नै रहेन् ।

सर्वोच्च अदालतले गत फागुन २३ मा नेकपाको नाम ऋषि कट्टेलसँग रहेको भन्दै एमाले र माओवादीलाई पूर्ववतः अवस्थामा फर्काइदियो । पार्टी एकता बदर गर्ने सम्मको काम अदालतबाट भयो । त्यसपछि भने उनी सहित उपचुनाव र राष्टि«य सभाको चुनावमा नेकपाबाट जितेका नेताहरु अब कता लाग्ने ? दुविधामा परे । नेकपावाट चुनाव जितेका उनीहरुले एमाले रोज्ने की माओवादी ? दुविधा थियो । आयोगले त्यसपछि उनीहरुलार्इ स्वविकेका आधारमा रोज्न पाउने बतायो । राष्ट्रिय सभामा नारायणकाजी श्रेष्ठ लगायतले नेकपा माओवादी केन्द्र रोजे । वेदुराम भुषालहरुले स्वतन्त्र रहने जिकिर गरेर निवेदन दिए ।

सूर्य चिन्हबाट चुनाव लडेको र एमालेको जिल्ला कमिटि सदस्य रहेकोले एमाले रोजेको उनको दोस्रो वक्तब्य आएको छ । एकाएक माओवादीको सम्पर्कबाट हराएकी उनले ४ दिनपछि सोमबार वक्तब्य दिएर एमालेमा रहेको बताएकी हुन् । तर अब उनको पद धरापमा परेको छ, त्यो पनि आफ्नै कारणले । सर्वोच्चको फागुन २३ को फैसलाले एमाले र माओवादी केन्द्र अलग भएपछि नेकपाबाट चुनाव जितेकाले एक् पटक मात्र आफु कुन दलमा रहने भनी रोज्न पाउने सुविधा पाएका हुन् । तर महिनौमा पटक पटक फेरिने गरि कहिले एमाले र कहिले माओवादी केन्द्र रोज्न पाउने गरी छुट दिएको होइन् ।

प्रदेश सभामा जितेकी विमलाले पनि माओवादी नेताहरु सहयोगी रहेको, माओवादी नेताहरु जगप्रसाद शर्मा (अपार) र दामा शर्माले बढी सहयोग गरेको भन्दै उनले प्रदेश सभामा माओवादी रोज्ने जनाइन् । एमालेले उनलाई एमाले सांसद नै हुने बताएपनि उनले प्रदेश सभा दल कार्यलय, प्रदेश सभा सचिवालय देखि निर्वाचन आयोग सम्मलाई आफु तत्कालिन नेकपाबाट चुनाव जितेको कारण अब माओवादी केन्द्रमा रहने र माओवादी रोज्ने भन्दै निवेदन नै दिइन् । त्यसपछि उनी माओवादी केन्द्रको प्रदेश सभा सदस्य भइन् ।

एमालेले उनले एमाले छोडन नपाउने भनेपनि कानुनी रुपमा उनलाई कारवाही गर्न जाने वैधानिक आधार नभेटेपछि बाहिर कारवाही गर्ने बताएपनि काुननी कारवाहीमा गएका थिएन् । तर अहिले मुख्यमन्त्री शंकर पोखरेलेको पद धरापमा परेपछि उनीमाथी अनेक प्रलोभन पारेर एमालेले उनलार्इ एमालेमै फर्काएको छ । उनले सोमबार आफु एमालेमै रहने घोषणासहितको दुई पन्ने विज्ञप्ती नै जारी गरिन् । 

सूर्य चिन्हबाट चुनाव लडेको र एमालेको जिल्ला कमिटि सदस्य रहेकोले एमाले रोजेको उनको दोस्रो वक्तब्य आएको छ । एकाएक माओवादीको सम्पर्कबाट हराएकी उनले ४ दिनपछि सोमबार वक्तब्य दिएर एमालेमा रहेको बताएकी हुन् । तर अब उनको पद धरापमा परेको छ, त्यो पनि आफ्नै कारणले । सर्वोच्चको फागुन २३ को फैसलाले एमाले र माओवादी केन्द्र अलग भएपछि नेकपाबाट चुनाव जितेकाले एक् पटक मात्र आफु कुन दलमा रहने भनी रोज्न पाउने सुविधा पाएका हुन् । तर महिनौमा पटक पटक फेरिने गरि कहिले एमाले र कहिले माओवादी केन्द्र रोज्न पाउने गरी छुट दिएको होइन् ।

वलीले माओवादी केन्द्र रोज्ने भनेर प्रदेश सभा दल देखि निर्वाचन आयोग सम्म निवेदन दिएर माओवादी केन्द्रको प्रदेश सभा सदस्य बनेकी थिइन् । अहिले फेरि उनले त्यसलाई बिर्सेर एमाले रोजेको घोषणा गरेकी छिन् । एकपटकलाई मात्र दल रोज्ने छुट दिएको हो, न की पटक पटक फेरिरहन, निर्वाचन आयोगका एक् अधिकारीले भने, माओवादी केन्द्रले उनलाई पदमुक्त गर्ने गरी कारवाही प्रक्रिया अगाडी बढाए अब उनको पद धरापमा पर्न सक्छ ।

माओवादी केन्द्रले उनलाई स्पष्टिकरण सोध्ने र कारवाही प्रक्रिया अगाडी बढाएर प्रदेश सभामा निवेदन दर्ता गराएमा वलीको पद जान सक्ने देखिन्छ । यसले विमला आफैको कहिले एमाले कहिले माओवादीको रोजार्इले उनको पद धरापमा परेको छ । दाङ निर्वाचन क्षेत्र नं. ३ को प्रदेशसभा  ‘ख’ मा फेरि एकपटक अब उपचुनाव हुनेतिर जाने सम्भावना बढेको छ ।