माधव नेपाललाई अझै कमजोर बनाउने ओलीको योजना

काठमाडौं । एमाले अध्यक्ष केपी ओली कहिले गरम, कहिले नरम देखिदै आएका छन् । उनी अझै पनि आफ्ना प्रतिस्पर्धी नेता माधव नेपाललाई एमालेबाट हटाईछाड्ने र अन्य नेपाल समुहका नेतालाई तितरवितर र अभिभावक विहिन बनाएर एमालेमा आफुसँग आत्मसमर्पण गराउने योजनामा तल्लिन देखिएका छन् ।

नेपाल सुमहका नेताहरुले नेपाल बिनाको एकता नहुने बताईरहदा ओलीले एकताको नारा जपेपनि खासमा उनी नेपाल बिनाको एमाले बनाउने प्रयासमा जुटेको जुट्यै छन् ।  त्यही भएर उनले नेपालले पार्टी विवाद मिलाउने प्रयास गर्ने बित्तिकै नेपालप्रति कटाक्ष शुरु गरिहाल्छन् ।आइतबार पनि त्यस्तै भएको छ । नेपालले माओवादी अध्यक्ष प्रचण्डसँग अव आफुहरु सरकारमा सहभागी नहुने र पार्टीभित्रको विवाद मिल्ने अवस्था तिर गएको सन्देश दिएकै दिन नेपाललाई ओलीले कटाक्ष गरेका छन् । ओलीले बेशरम सम्मको शब्द प्रहार गरी नेपालमाथी कडा टिप्पणी गरेका छन् ।

एकपक्षिय रुपमा विधान महाधिवेशनको तयारी गर्ने देखि वडा, गाँउ पालिका सम्मको अधिवेशन गराउने सम्मको कार्यतालिका बनाएर अगाडी बढेका छन् । नेपालले पार्टीभित्र आफनो समुहको बराबरी हिस्सेदारी हुनुपर्ने माग, आफ्नो समुहका नेताहरुको स्थानिय तहको चुनाव देखि केन्द्र प्रदेशसम्मको टिकट सुरक्षित गराउनका लागि खोजेका हुन् । तर ओलीले दोस्रो अध्यक्ष दिने भनेर माधव नेपाललाई पदलोलुप देखाउन चाहिरहेका छन् । 

उनी जसरी हुन्छ, यो गठबन्धन टिक्न नदिने, सकेसम्म छिटो मुलुकलाई चुनावमा धकेल्ने र नभए अनेक बहना बनाएर फेरि आफु सरकारमा आउन खोज्ने गरी अगाडी बढेका छन् । त्यसका लागि पहिले उनलाई आफ्नै पार्टीभित्र माधव नेपाल समहुलाई छिन्नभिन्न र कमजोर पार्नुपर्ने आवश्यकता छ । त्यही कारण पनि उनी अहिले कहिले असाध्यै नरम भएर एकताको कुरा गर्छन्, कहिले असाध्यै गरम भएर देशद्रोही सम्मको कडा आरोप माधव नेपालमाथी लगाईरहेका छन् ।

खासमा ओलीले पार्टीभित्रको विवादमा नेपाल समुहलाई अलमलाउने, छिन्नभिन्न पार्ने र समुह विभाजित बनाएर कमजोर बनाउने रणनीतिमा देखिएका छन् । नेपाल समुह सत्ता गठबन्धनसँग मिलेर कतै राष्ट्रपतिमाथी महाअभियोगको तयारीमा जुट्न सक्छन् की भन्ने भय ओलीलाई छ । अहिले ओलीलाई एमाले एकता भन्दा पनि राष्ट्रपतिमाथी केही गरिहाल्छन्की सत्ता गठबन्धन दलले भन्ने चिन्ताले पिरोलेका छन् । त्यही भएर उनले अनेक उपायको खोजी गरिरहेका छन् । ओलीको यो खालको रणनीति माधव नेपाल समुहकै नेताहरुले बुझ्न नसक्दा नेपाल यतिबेला अप्ठयारोमा छन् ।

नेपाल समुहबाट विवादको आन्तरिक छलफल गर्न गठित कार्यदलका सदस्यहरु अन्तिम समयमा नेपाललाई नै धोका दिने गरी ओलीसँगै मिल्न लम्पसार पर्न थालेपछि माधव नेपाल असाध्यै अप्ठ्यारोमा छन् । भीम रावल, सुरेन्द्र पाण्डे लगायतका नेताहरु ओलीको गुलियोमा भुलेका मात्र छैनन्, पछिल्लो चरण वेदुराम भुषाल, युवराज ज्ञवाली र रघुजी पन्त सम्मले पनि शक्ति बाँडफाँडमा कुरा मिले मिल्न तयार हुनुपर्ने भन्दै दबाब दिन थालेका छन् ।

जसले गर्दा माधव नेपाल अप्ठ्यारोमा परेका छन् । तर ओली भने आफनो मिसनमै अगाडी बढेको देखिन्छ । सत्ताबाट बाहिरिनु पर्दा सबैभन्दा बढी छटपटाहट ओलीमा छ । उनी जसरी हुन्छ, यो गठबन्धन टिक्न नदिने, सकेसम्म छिटो मुलुकलाई चुनावमा धकेल्ने र नभए अनेक बहना बनाएर फेरि आफु सरकारमा आउन खोज्ने गरी अगाडी बढेका छन् ।

त्यसका लागि पहिले उनलाई आफ्नै पार्टीभित्र माधव नेपाल समहुलाई छिन्नभिन्न र कमजोर पार्नुपर्ने आवश्यकता छ । त्यही कारण पनि उनी अहिले कहिले असाध्यै नरम भएर एकताको कुरा गर्छन्, कहिले असाध्यै गरम भएर देशद्रोही सम्मको कडा आरोप माधव नेपालमाथी लगाईरहेका छन् ।