माधव नेपालसँग उनकै कार्यदल सदस्यले सोधे १० वुँदे सहमति मान्ने की नमान्ने ?

काठमाडौं । एमालेमा आन्तरिक विवाद अब धेरै नअल्झिने संकेत देखिएको छ । नेपालले अडान नछोडने र ओलीले धेरै नपर्खिने कारणले अव एमालेको आन्तरिक विवादको छिनोफानो आज भोलि तिरै हुने संकेत देखिएको हो ।

एकता प्रयासका लागि विघिटन कार्यदलका नेताहरुको दौडधुप जारी छ । तर मुख्य दुई शीर्ष नेताहरुको बोली र ब्यवहार आफ्नै खालको छ । जसकाकारण एकता भन्दा विग्रह नजिकिँदो छ ।

ओलीले गत बुधबार देखि नै अब विवादमा धेरै समय अल्झिन नसकिने भन्दै शनिवारसम्मको अल्टिमेटम दिएका थिए । तर, उनले फेरि भाका सारेका छन् । माधव नेपाललाई आरोपित गरेर भाषणवाजी गरेको दिन नै उनी एकाध घण्टामै फेरि भाका सार्न तयार भएका छन् ।

ओलीले भाका सारेर आज मध्यान्ह् सम्म समय तोकेका छन् । अर्थात हिजो दिउासे ३ वजे बोलाईएको पार्टी वैठक आज आइतबार ३ बजेका लागि सारिएको छ । एकपक्षिय पार्टी बैठक गर्दै जाने र माधव नेपालसंग  जुहारीमात्रै खेलिरहने गर्दा एकता प्रक्रिया धेरै पर पुग्न सक्ने भन्दै अन्तिम प्रयास गर्ने तयारी भएको कार्यदलका नेताहरुको आग्रह् पछि ओली एक दिनलाई बैठक रोक्न तयार भएका थिए ।

शनिवार ओलीले काठमाडौं जिल्ला कमिटिको बैठकमा नेपालप्रति कडा टिप्पणी गरेका थिए । उता माधव नेपालले पनि युवा विद्यार्थीको फोर्सलाई सम्वोधन गरेका थिए । तयारी आ आफ्नैमा जुटन थालेपछि एकता प्रयास गरिरहेका कार्यदलका दुबै तर्फका नेताहरुले सिंहदरवारमा छलफल गरेका थिए । छलफलमा नेपाल समुहकै नेताहरुले नेपालले अप्ठ्यारो पारेको बताउँदै थिए ।

एक दिनका लागि ओलीले बोलाएको स्थायी कमिटि बैठक रोक्ने र एकचरण नेपालसंग कुरा गर्ने र पार्टी एकताको छिनोफानो लगाउने प्रस्ताव विघिटित कार्यदलमा रहेका नेपाल निकटका नेताहरुले राखेपछि त्यहीवाट उनीहरुले माधव नेपालसँग भेटनका लागि समय लिएका थिए ।

भीम रावलले नेता नेपाललाई फोन गरेर समय माग गरेका थिए । ‘एकपटक भेटनुपर्ने भयो, कमरेड म भेटन आउँछु ।समय दिनुपर्यो ’ नेपालसंग रावलले भने । कार्की ब्यांकेटमा आफु निकटका युवा विद्यार्थीको भेलामा रहेका नेपालले दिउँसो ३ बजेलाई समय दिए ।

त्यसपछि रावल लगायत कार्यदलमा रहेका नेपाल पक्षका ५ जना नेता नै नेपालको निवास कोटेश्वर पुगेका थिए । शुरुमै नेपालले तपाईहरु त एकजुट भएर आउनु भएको छ त ? भन्दै प्रश्न गरेका थिए ।

त्यसपछि रावलले भूमिका बाध्दै हामी अझै एमाले एकताको प्रयासमा जुटिरहेको र अहिले पनि ओली पक्षका नेताहरुसँग सिंहदरवारमा छलफल गरेर कोटेश्वर आईपुगेको जानकारी दिएका थिए । 

१० वुँदे सहमति मानेर जाने की नजाने ? नेपालसँग त्यसपछि एकपछि अर्काे गदै नेताहरुले प्रश्न सोध्न थाले । पावर सेयरिङमा पनि अर्काे अध्यक्ष दिने प्रस्ताव उनीहरुको छ, अब एकता वाहेक अर्काे सोच्नुहुन्न, एकतामा जाऔं नेपाललाई आफ्नै कार्यदलका नेताहरुको प्रश्न थियो । तर नेपालले ओलीको विश्वास नभएको उही पूरानै अडान दोहोराएका थिए ।

मलाई ओलीको विश्वासै छैन , उनलाई अध्यक्ष मानेर कसरी जाने ? के उनले अध्यक्ष पद छोडन तयार छन् ? नेपालले आफ्नै कार्यदलका सदस्यसाग सोधेका थिए ।

वरावरी हैसियतको हस्ताक्षर चल्ने गरी नै ओली पार्टीमा दुई अध्यक्ष बनाउन तयार हो होइन, अध्यक्ष मण्डल बनाएर जान पो तयार हो की ? या उनी अध्यक्ष नै छोडन तयार हो ? के यसमा ओली तयार छन् त ? नेपालले आफु निकटका नेताहरुसँग सोधे । तर उनीहरुले नेपालले सोधेको जवाफमा खास प्रतिक्रिया दिएनन ।

मात्रै उनीहरुले १० वुँदो सहमति तपाई मान्ने की नमान्ने मात्र प्रश्न गरिरहे । त्यसपछि भने नेपालले तपाईहरुलाई ओलीकाहाँ कहिले जाने भन्ने भएको होला जानुस्, मेरो भन्नु केही छैन भन्ने जवाफ दिए ।

नेपालसँगको कुराकानी उस्तै छ । प्रगति केही छैन । ओलीले आजै दिउँसो ३ वजे स्थायी कमिटि बोलाएका छन् । त्यसअगाडी फेरि छलफल गर्ने तयारीमा कार्यदलका नेताहरु छन् । तर ओली र नेपालका वीचमा कुनै सम्वादको सुरसार छैन ।