काठमाडौं । राष्ट्रिय जनमोर्चाका अध्यक्ष चित्रबहादुर केसीले पूर्व प्रधानमन्त्री केपी शर्मा ओलीप्रति कटाक्ष गरेका छन् । जनताले मत दिएर पठाएपनि ओली सरकारले राम्रो काम गर्न नसकेको उनले बताए ।
ओली सरकारले संविधान नै च्यात्न खोजपछि संघर्षमा जानुपरेको र अदालतको फैसलाले संविधानको रक्षा गरेको उनले बताए । ‘हामीले समर्थन गरेका हौं । तर तिघ्रामा पिप जम्मा भएमा निचोरेर फाल्नुपर्छ ।
एमालेभित्रैका साथीहरुले संघर्ष गर्नुभयो । धर्म निरपेक्षता, गणतन्त्र लगायत उपलब्धिहरुलाई बचाउने काम भयोे । संसद् कम्तिमा १८ महिना बच्ने भयो,’ केसीले भने,‘अहिले आएर उहाँहरु न्यायपालिकाबाट प्रधानमन्त्री बनाउने व्यवस्था कहाँबाट आयो भन्दै हुनुहुन्छ ? त्यो संविधान बनाउने बेला त उहाँ पनि हुनुहुन्थ्यों । हामीले मिलेर बनाएको होइन ?’
ढोंगी प्रवृत्तिका कारण कम्युनिष्ट आन्दोलनमा संकटमा परेको उनले बताए । ‘व्यक्तिगत सम्पत्ति जोड्ने, नातागोतालाई च्याप्ने, प्रतिक्रियावादीहरुका दर्शन र सिद्धान्त बोक्ने अनि आफुलाई कम्युनिष्ट पनि भनिरहने, नाम कम्युनिष्ट नै राख्नेहरु छन् । यस्तो कुराले संकट निम्त्यायो,’ उनले भने ।
संसदीय व्यवस्थाले केही गर्न सक्दैन भन्ने कुरा सैद्धान्तिक रुपले ठिक भएपनि व्यवहारिक ढंगले सोच्दा तत्कालै जनवादी क्रान्ति गर्न संभव नरहेको उनले बताए ।
‘संसद्मा पैसा खर्च गर्ने मान्छे नै जाने हो, खर्च गरेपछि कमाउनुपर्यो । म पनि गएँ, देखेको छु नि १ योभन्दा राम्रो व्यवस्था पनि हुन्छ, त्यो समाजवाद हो । हामी यही बसिरहने होइन, अगाडि जाने नै हो,’ उनले भने,‘ तर अहिले यहाँ भएका विकृति र विसंगतीको विरोध गर्ने हो । राम्रा कुराहरूको समर्थन गर्ने हो । संविधानमा लेखिएको संघीयताबारे राष्ट्रिय जनमोर्चाको ठूलो विमति छ । तर, यहाँ धेरै राम्रा कुराहरु छन् । ती कुराहरूको हामीले समर्थन गर्नैपर्छ ।’
प्रतिक्रिया दिनुहोस
सफल खबर संवाददाता
शुक्रबार, ०८ साउन २०७८, १५ : २०
लेखकबाट थप
सम्बन्धित समाचारहरु
राष्ट्रको चाबी समातेको नेतृत्व नै भ्रष्ट छ : चित्रबहादुर केसी
सत्ता र शक्तिमा बस्नेहरूबाट देश बर्बाद भयो : चित्रबहादुर केसी
विदेश गएका छोराछोरी आउँदैनन्, अब भ्रष्टाचार गर्न पर्दैन : चित्रबहादुर केसी
पीडितलाई १० लाख दिएर समस्या समाधान हुँदैन परिवारको रेखदेख गर्नुपर्छ : चित्रबहादुर केसी
मानव अधिकारका लागि नेपाली जनताले लगातार सङ्घर्ष गरिरहेका छन् : चित्रबहादुर केसी
अब यो लोकतन्त्र गयो भने हाम्रै कारणले जान्छ : चित्रबहादुर केसी