राजदुतको फोन जासुसी गराएकोमा भारतको औपचारिक धारणा माग गर्न परराष्ट्रको निर्देशन

सफल खबर संवाददाता

बुधबार, ०६ साउन २०७८, ०९ : २६
राजदुतको फोन जासुसी गराएकोमा भारतको औपचारिक धारणा माग गर्न परराष्ट्रको निर्देशन

काठमाडौं । भारतमा सफ्टवेयरबाट नेपाली राजदुत निलाम्बर आचार्यसम्मको फोन जासुसी गरिएको खबर सार्वजनिक भएपछि नेपाल सरकारले यसवारे भारत सरकारको धारणा माग गर्न दिल्ली स्थित राजदुतावासलाई निर्देशन गरेको छ ।

CG Developers Tansen Cement box

परराष्ट« मन्त्रालयले मंगलबार नै दिल्लीस्थित राजदुत आचार्यलाई टेलिफोन गरी त्यसबारे आधिकारिक रुपमा भारत सरकारको धारणा माग गर्न निर्देशन गरेको हो ।  ‘यो विषय हाम्रो जानकारीमा आएको छ । भारत सरकारको औपचारिक प्रतिक्रिया बुझ्न हामीले दूतावासलाई भनिसकेका छौं,’ परराष्ट्रका एक अधिकारीले भने ।

इजरायली कम्पनी एनएसओले बनाएको स्पाइवेयर (जासुसी सफ्टवेयर) पेगाससमार्फत संसारभर करिब ५० हजार फोनको जासुसी गरिएको रिपोर्ट सार्वजनिक भएको थियो । त्यसमा पाकिस्तानी प्रधानमन्त्री इमरान खानसँगै दिल्ली मिसनमा रहेका नेपाल सहित चीन, इरान, पाकिस्तानका राजदूतको समेत फोन ह्याक भएको खबर सार्वजनिक भएको छ ।

एनएसओ (कम्पनीका मालिक निभ, सालेभ हुलियो र ओम्री लाभीका नामबाट स्थापित कम्पनी) ले विकास गरेको पेगासससँग आफ्नो कुनै पनि साइनो नभएको भारत सरकारले दाबी गरेपनि विपक्षीहरुले त्यसलाई स्वकार्न सकेका छैनन् ।

भारतीय व्यक्तित्वहरूको नम्बर कसरी पेगाससको ‘डेटा सेन्टर’ मा पुग्यो भन्ने प्रश्न विपक्षी दल र सञ्चारमाध्यमहरूले उठाएका छन्  । भारतीय समाचारमा जनाइएअनुसार पेगाससले सन् २०१७ देखि २०१९ को अवधिमा फोन जासुरी गरिएको खबर छ ।

प्रतिक्रिया दिनुहोस