विश्वकै ठूलो फिल्म फेस्टिभल कान्स सुरु

एजेन्सी

बुधबार, २३ असार २०७८, १३ : २०
विश्वकै ठूलो फिल्म फेस्टिभल कान्स सुरु

पेरिस । कोरोनाभाइरस महामारीकै बीच विश्वकै ठूलो फिल्म फेस्टिभल कान्स आजदेखि फ्रान्समा सुरु भएको छ । मास्कबिनै स्टारहरुले रेडकार्पेट नापे र महामारीले थलिएको विश्व फिल्मलाई लयमा फर्काउने सन्देश दिए ।

CG Developers Tansen Cement box

ग्ल्यामर पहिरन र फोटोग्राफरहरुको भीडभाडसँगै सुरु भएको कान्सको माहौल यसपटक भिन्न देखियो । लियोस काक्र्स निर्देशित फिल्म ‘एनेट्टे’ प्रिमियरका लागि रेडकार्पेट आयोजना गरिएको थियो ।

अभिनेता एडम ड्राइभर र मारियन कोर्टिलार्ड प्रिमियरमा उपस्थित रहे । एक सेलेव्रिटी जोडीको उत्थान र पतनको कथा भन्ने यो फिल्ममा हलिउड अभिनेता ड्राइभरले मुख्य भूमिका निर्वाह गरेका छन् । हलिउड निर्देशक स्पाइक ली यसपटक कान्सको मुख्य निर्णायक रहेका छन् । जुलाई १७ मा निर्णायकले विजेता फिल्महरुको सूची सार्वजनिक गर्ने भएका छन् ।