काठमाडौं । नेकपा एमालेको आजको बैठकले १० औं महाधिवेशन आयोजक समिति खारेज गरेको छ । एमालेका प्रवक्ता प्रदीप ज्ञवालीका अनुसार बुधबार प्रधानमन्त्रीको सरकारी निवास बालुवाटारमा बसेको बैठकले महाधिवेशन आयोजक समिति खारेज भएको छ । यही अब केन्द्रीय कमिटीको बैठक असार १८ गते बस्नेछ । ज्ञवालीका अनुसार अबको केन्द्रीय कमिटी बैठक माधव नेपाल पक्षले भनेझै जेठ २ अघिको हुनेछ ।
अबको एमालेको केन्द्रीय बैठकमा माधव नेपाल पक्ष जान्छ या जाँदैन भन्ने अन्यौल नै रहेको छ । यद्यपी उनीहरुले भने झै अबको केन्द्रीय बैठक जेठ २ अघिको हुनेछ । दशौं महाधिवेशन आयोजक कमिटी केन्द्रीय कमिटीमा रुपान्तरण भएसँगै माधवकुमार नेपालसहित ११ जनामाथिको कारबाही स्वत निष्प्रभावी भएको छ । प्रवक्ता ज्ञवालीले कारबाही प्रक्रिया अब नरहेको र यसअघिको कारबाही पनि फुकुवा नै भएको बताए ।
बैठकले स्थायी कमिटीमा रामबहादुर थापा बादल, लेखराज भट्ट, टोपबहादुर रायमाझी, मणि थापा, रघुवीर महासेठ, रघु पन्त, विष्णु रिमाल र बेदुराम भुसाललाई मनोनित गर्ने निर्णय पनि गरेको छ । बैठकले कोरोना महामारी नियन्त्रणका लागि सरकारले गरेको कामको उच्च प्रशंसा गरेको छ । वरिष्ठ नेता झलनाथ खनालको उपचारको जिम्मा पनि पार्टीले लिने निर्णय भएको प्रवक्ता ज्ञवालीको भनाइ छ ।
प्रतिक्रिया दिनुहोस
सफल खबर संवाददाता
बुधबार, १६ असार २०७८, १५ : ४२
लेखकबाट थप
सम्बन्धित समाचारहरु
एमाले झापाको ११औँ अधिवेशन आजदेखि सुरु हुँदै
जनतामा आशा र भरोसा जगाउने काममा केन्द्रित हुन सरकारलाई एमालेको सुझाव
बझाङ-१ मा एमालेबाट दमनबहादुर भण्डारी उम्मेदवार बन्ने
एमाले सचिवालय बैठक बस्दैँ
एमाले कञ्चनपुर अध्यक्षमा लक्ष्मी बुढा सर्वसम्मत
सहकारी ठगीका सम्बन्धमा छानबिन आयोग बनाउन एमालेको माग