राष्ट्रपति केपी ओलीको कार्यकर्ता : देउवा

काठमाडौं। नेपाली कांग्रेसका सभापति तथा विपक्षी गठबन्धनका नेता शेरवहादुर देउवाले राष्ट्रपति विद्यादेवी भण्डारी केपी ओलीको कार्यकर्ता बनेको आरोप लगाएका छन् । 

पत्रकारसँग शनिवारको अन्तरक्रियामा बोल्दै देउवाले आफूले बहुमत सांसदको समर्थनसहित प्रधानमन्त्रीमा दावी गर्दा कुनै समस्या परेको भए राष्ट्रपतिले सनाखत गर्नुपर्ने ठाउँमा संसद विघटन भएको बताए । सभापति देउवाले अदालतले आफूलाई नै प्रधानमन्त्री बनाउने विश्वास व्यक्त गरे ।नेता देउवाले भने, ‘अदालतले प्रधानमन्त्री बनाओस् भनेको होइन, तर संविधानको व्याख्या त अदालतले गर्नुपर्ने अवस्था आएको हो ।’ 

देउवाले राष्ट्रपतिको चर्को आलोचना गर्दै पदीय मर्यादा समेत नराखी ओलीको कार्यकर्ता नबन्न आग्रह गरे । देउवाले भने, ‘ओली लोकतन्त्रवादी र संविधानवादी नभई अधिनायकवादी हुन् आफूलाई बेकारमा अ‍ोलीसँग मिलेको आरोप लगाइयो।’

देउवाले भने, ‘राष्ट्रपति नभएर ओलीको कार्यकर्ता भएर काम गर्नुभयो । मलाई पहिला क्याबिनेट पुनर्गठन गर्न दिनुभएन, अहिले धमाधम शपथ खुवाउनुभयो । राष्ट्रपति हदभन्दा बढी ओलीको कार्यकर्ता हुनुभयो ।’