भरतपुर महानगरले करमा जरिबाना नलिने, दूधमा अनुदान बढाइयो

सफल खबर संवाददाता

विहीबार, १० असार २०७८, १४ : १७
भरतपुर महानगरले करमा जरिबाना नलिने, दूधमा अनुदान बढाइयो

चितवन । भरतपुर महनागरले यो आर्थिक वर्षमा बुझाउनुपर्ने करमा कुनै जरिवाना नलिने भएको छ ।

CG Hills

भरतपुर महानगर प्रमुख रेनु दाहालले विश्वव्यापी फैलिएको कोभिड १९ का कारण व्यवसायीहरु आर्थिक मारमा परेका कारण यस आर्थिक वर्षमा बुझाउनुपर्ने करमा कुनै जरिवाना नलिइएको बताइन् । आज भरतपुर महानगरको नीति तथा कार्यक्रम प्रस्तुत गर्दै  प्रमुख दाहालले यस आर्थिक वर्षमा कुनै पनि करमा जरिबाना नलिने घोषणा गरेको बताइन् ।

भरतपुर कृषकमैत्री ऋण कार्यक्रम अन्तर्गत न्यूनतम व्याजमा कृषकले २५ लाखसम्म ऋण लिँदा २ प्रतिशत व्याज महानगरपालिकाले व्यहोर्ने जनाइएको छ । यस्तै प्रतिलिटर दुध उत्पादनमा दिइँदै आएको १ रुपैयाँ अनुदान वृद्धि गरेर ३ रुपैयाँ पुर्याइएको महानगर प्रमुख दाहालले बताइन् । 

भरतपुर महानगरले कृषि यन्त्र उपकरणमा ५० प्रतिशत अनुदान दिने नीति लिएको प्रमुख दाहालको भनाइ छ । कर्मचारीको मनोबल उच्च बनाउन भन्दै अधिकृतस्तरका कर्मचारीलाई तलवको १० प्रतिशत र सहायकस्तर तथा श्रेणीविहीनका कर्मचारीलाई १५ प्रतिशत प्रोत्साहन भत्ताको व्यवस्थासमेत गरेको छ ।