सत्ता बाहिरएसँगै जसपाको महन्थ ठाकुर पक्षको बैठक बस्दै

काठमाडौं । जनता समाजवादी पार्टी (जसपा) अध्यक्ष महन्थ ठाकुर पक्षको बैठक बिहीवार बस्दैछ । सर्वोच्च अदालतको आदेशका कारण सत्ता बाहिर पुगेको ठाकुर पक्षको बैठक बबरमहल स्थित पार्टी कार्यालयमा दिउँसो १ बजे बस्न लागेको हो । 

विकसित पछिल्लो राजनीतिक घटनाक्रमको समीक्षा र पार्टीको भावी रणनीति बनाउन बैठक बस्न लागेको एक नेताले बताए । सर्वोच्च अदालतको आदेशपछि मंगलवार जसपा सत्ताबाट अलग भएको थियो । 

सर्वोच्चको आदेशबाट पदमुक्त भएका मन्त्रीहरुलाई प्रधानमन्त्री केपी शर्मा ओलीले भविष्यमा सहकार्य हुने आश्वासन दिएका थिए । पार्टीभित्र देखिएको विबादमा विषयमा पनि बैठकमा छलफल हुने जसपा स्रोतले बतायो ।