चितवन । चितवनको विकासमा वर्तमान सरकारले चासो नदिएको पूर्व प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले बताएका छन् ।
जिल्लामा पछिल्लो विपदबाट भएको क्षतिबारे सरकारी अधिकारीहरुबाट जानकारी लिएपछि उनले अहिलेको ओली नेतृत्वको सरकारले प्रचण्डको निर्वाचन क्षेत्र चितवन भएकै कारणले बजेट र विकास नदिएको बताए । “चितवनको विकास निर्माणको काममा अहिलेको सरकारलाई सकारात्मक बनाउन सकिन, उनले भने, पार्टी एकता गर्दा बामपन्थीहरुको बहुमतको सरकार बनाउँदा ठूलो उत्साह,उमग थियो तर विविध कारणले अन्तरविरोध भएपछि सरकारले चितवनलाई हेपेको छ ।”
अहिलेको सरकार चितवन भनेको प्रचण्डको हो र त्यहाँ विकास सुरक्षा भए फाइदा प्रचण्डले लिन्छन भन्ने भ्रममा रहेको आरोप समेत लगाए । त्यस्तै पुुरानो निकुञ्ज ऐनले समेत विकासका कार्य रोकेको उनकोे भनाई थियो । समय परिवर्तन हुँदा पनि ऐन परिवर्तन नभएको र केही फेरवदलका लागि सुरुवात भएपनि कछुवाको गतीमा रहेको उनकोे भनाई थियो ।
आफ्नो निर्वाचन क्षेत्र भएकाले जिल्लामा आएर पीडा राखेको बताउँदै उनले यहाँका समस्या गम्भिरतापूर्वक आँफूले लिएको र सरकारले चितवनको विकासका लागि नीति तथा बजेट बढाउनै पर्नेमा जोड दिए । सरकारले नदि नियन्त्रणका लागी उचित बजेट दिन नसक्दा भरतपुरका जनताले नारायणीको बाढीको सास्ती खेप्न बाध्य भएको पनि उनकोे भनाई थियो ।
आफु प्रधानमन्त्री हुँदा नै जनताको तटबन्द्ध कार्यक्रम सुरु गरेर नदिको किनारा लाई व्यवस्थित गर्न सुरु गरेको र पछिल्ला सरकारहरुले उचित बजेट नदिदा समस्या भएको उनको तर्क छ ।
तर पनि बाढीबाट जनता बचाउने र नारायणी राप्ती, माडीको रिउ खोलामा तटवन्धनको काम अघि बढाउने गरी पहल गर्ने उनको भनाई छ ।
(भिडियो)
प्रतिक्रिया दिनुहोस
प्रकाश सिग्देल
मंगलबार, ०८ असार २०७८, १८ : २५
लेखकबाट थप
सम्बन्धित समाचारहरु
शान्ति, प्रगति र समृद्धिको कामना गर्दै भारतको स्वतन्त्रता दिवसमा प्रधानमन्त्री प्रचण्डले दिए शुभकामना
पार्टीलाई राजनैतिक, वैचारिक, सांगठनिक र सांस्कृतिक दृष्टिले नयाँ बनाउने चुनौती छ : प्रधानमन्त्री प्रचण्ड
कुटनीतिक माध्यममार्फत् सीमा समस्या समाधान गरिनेछ : प्रधानमन्त्री प्रचण्ड
काठको आयात प्रतिस्थापन गर्दै निर्यातमा जोड दिनुपर्छ : प्रधानमन्त्री प्रचण्ड
अर्थतन्त्रमा समस्या त छ, तर चिन्ताजनक अवस्था छैन : प्रधानमन्त्री प्रचण्ड