भारतमा कोरोना संक्रमण घट्दो, २४ घंटामा थपिए ६० हजार नयाँ संक्रमित

एजेन्सी । भारतमा सोमबार ५९ हजार ९५८ जनामा कोरोनाभाइरस संक्रमण पुष्टि भएको छ । पछिल्लो तथ्यांकअनुसार बितेको ७६ दिनमा सबैभन्दा कम संक्रमित पुष्टि भएको भारतीय स्वास्थ्य तथा परिवार कल्याण मन्त्रालयले जनाएको छ । 

यसअघि ३० अप्रिलमा ५३ हजार २३७  जनामा कोरोना संक्रमण पुष्टि भएको थियो । यसैगरी पछिल्लो २४ घण्टामा २ हजार ७३२ जनाको मृत्यु भएको छ । 

यस्तै सोही अवधिमा १ लाख २७ हजार २३२ जना संक्रमणमुक्त हुँदा सक्रिय संक्रमित भारतभर ६० हजार ५६ जना कम भएका छन् । अर्थात भारतभर कुल सक्रिय संक्रमित ९ लाख ८ हजार जना रहेका छन् ।