गण्डकी प्रदेशका विपक्षी गठबन्धन प्रदेश प्रमुखकहाँ जाँदै

पोखरा । गण्डकी प्रदेशका विपक्षी गठबन्धन नयाँ सरकार गठनको दाबी लिएर प्रदेश प्रमुखकहाँ सशरीर उपस्थित हुने भएका छन् । अबको केहीबेरपछि उनीहरु प्रदेश प्रमुखको कार्यालयमा जाने तयारी भइरहेको विपक्षी गठबन्धनका एक सांसदले जानकारी दिए । 

प्रदेश प्रमुखले संविधानको धारा १६८(५) बमोजिम सरकार गठनका लागि २४ घण्टाको समय दिएर आह्वान गरेको केहीबेरपछि उनीहरु बहुमत सदस्यसहित उपस्थित हुन लागेका हुन् ।

विपक्षी गठबन्धनमा कांग्रेसका १५, माओवादीका ११, राष्ट्रिय जनमोर्चाका २, जनता समाजवादी पार्टीका २ र स्वतन्त्र सांसद दीपक मनाङे रहेका छन् ।