सर्वोच्च अदालतमा संवैधानिक इजलास बस्दै

काठमाडौं । आज सर्वोच्च अदालतमा संवैधानिक इजलास बस्दै छ । संसद विघटन विरुद्धको मुद्दामा सुनुवाइ गर्न आज सर्वोच्च अदालतमा संवैधानिक इजलास बस्न लागेको हो। इजलासका लागि आज प्रधानन्यायाधीशले वरिष्ठताका आधारमा नयाँ न्यायाधीश चयन गर्ने सम्भावना छ ।

यसअघि १४ जेठमा गठन गरिएको संवैधानिक इजलासका दुई न्यायाधीशमाथि अधिवक्ताहरुले प्रश्न उठाएपछि सुनुवाइ प्रभावित हुँदै आएको थियो । 

१८ जेठमा बसेको संवैधानिक इजलासमा प्रधानन्यायाधीश चोलेन्द्र शमशेर जबराले प्रतिनिधिसभा विघटनसम्बन्धी मुद्दा सुनुवाइका लागि २३ जेठमा वरिष्ठताका आधारमा न्यायाधीश राखेर संवैधानिक इजलास तोक्ने प्रतिबद्धता जनाएका थिए ।