काठमाडौं । एमालेबाट निष्कासित नेता माधवकुमार नेपालले केपी ओलीसँग विद्रोहको बिगुल फुकिसकेका हुनाले टोलटोलमा कमिटी बनाउन निर्देशन दिएका छन् ।
आफूनिकट समानान्तर जिल्ला कमिटी पदाधिकारीको जारी भर्चुअल बैठकमा नयाँ पार्टी गठनतर्फ संकेत गर्दै नेता नेपालले केही प्राविधिक उल्झन देखाए । उनले केपी ओली सच्चिएर आउलान् भन्ने आफूलाई विश्वास नलागेको बताए ।
नेता नेपालले भने, ‘शेरबहादुरलाई प्रधानमन्त्री बनाउन सांसदको हैसियतमा सर्वोच्चमा रिट दायर गरेकाले अहिले पार्टी घोषणा गर्न सक्ने अवस्था छैन, केही समस्या छन् । तर कालान्तरमा सधैँ यस्तो त हुँदैन ।’ कमजोर हुँदा ओलीले झुल्याउने गरेको भन्दै नेपालले भने, ‘मैले पहिले नै भनिसकेको छु, बालुवाटारमा वालुवा पेलेर तेल निस्कनेवाला छैन ।’
नयाँ पार्टी गठनमा ढिला भने गर्न नहुने भन्दै नेपालले भने, माझीहरूको सल्लाहले डुंगा पल्टेजस्तै नहोस् । मरिसकेपछि डाक्टर बोलाउनुको कुनै अर्थ हुन्न ।’ नेता नेपालले प्रतिनिधिसभाको पुनस्थापनापछि ओलीले पटकपटक हार खेपेका बताए ।
प्रतिक्रिया दिनुहोस
सफल खबर संवाददाता
शनिबार, २२ जेठ २०७८, १५ : १२
लेखकबाट थप
सम्बन्धित समाचारहरु
बालुवाटारमा प्रचण्ड, देउवा र ओलीबीच भेटवार्ता
गठबन्धन परिवर्तन हामी दुई भाइले गरेका हौँ : ओली
गठबन्धन परिवर्तन हामी दुई भाइले गरेका हौँ : ओली
माधव नेपाललाई भेट्न ‘प्रचण्ड’ र ओली कोटेश्वरमा
एमाले सांसदलाई ओलीको निर्देशन- संसदमा गलत बोल्नेको विरोध गर्नू
संसद्को अगाडिको सिटमा बस्ने पार्टीका सांसदहरूलाई आफ्नो दायित्व पूरा गर्न ओलीको निर्देशन