अहिलेका शासकबाट संविधान जोगाउने दायित्व कांग्रेसको काँधमा आएको छ : रामचन्द्र पौडेल

सफल खबर संवाददाता

विहीबार, १३ जेठ २०७८, १३ : १५
अहिलेका शासकबाट संविधान जोगाउने दायित्व कांग्रेसको काँधमा आएको छ : रामचन्द्र पौडेल

काठमाडौं । नेपाली कांग्रेस वरिष्ठ नेता रामचन्द्र पौडेलले संविधान जोगाउने दायित्व कांग्रेसको काँधमा भएको बताएका छन् । 

CG Developers Tansen Cement box

नेपाल प्रेस यूनियनको स्थापना दिवसका अवसरमा बिहीबार आयोजित भर्चुअल कार्यक्रममा बोल्दै पौडेलले शासकले संसद विघटन गरेर संविधान च्यात्न खोजेको भन्दै संविधान जोगाउनका लागि कांग्रेस मैदानमा आएको दावी गरे ।

उनले कोरोनाबाट जनता, शासकबाट संविधान र कांग्रेस पार्टी बचाउने दायित्व एकैसाथ आएको समेत बताएका छन् ।

 महामारीबाट नागरिकलाई जोगाउनका लागि पनि नेपाली कांग्रेसले ठोस कदम चाल्नुपर्ने उनले बताए । 

पौडेलले संविधानको धारा ७६ को उपधारा ५ ले अमेरिकी कांग्रेसका सदस्यले जस्तो सांसदहरूलाई स्वविवेकी अधिकार दिइएको बताए ।