घाँटी रेटेर हत्या गरिएको अवस्थामा २४ वर्षिया महिलाको शव फेला

विराटनगर । मोरङमा एक २४ वर्षिया महिलाको घाँटी रेटेर हत्या गरिएको अवस्थामा शव फेला परेको छ । रङ्गेली नगरपालिका ३ तिलुवा चौक नजिक नहरमा बुधबार बिहान करिब ८ बजे विभत्स अवस्थामा महिलाको शव भेटिएको जिल्ला प्रहरी कार्यालय मोरङले जनाएको छ । 

नगरपालिका–३ का बेचन यादवकी २४ वर्षीया श्रीमती अनिता यादवको शव फेला परेको हो । प्रवक्ता राईले महिलाको घाँटी रेटेर हत्या गरि पानी नभएको नहरमा शव फालिएको बताएका छन् । घटनाबारे थप अनुसन्धान भइरहेको उनले बताए।