‘सिद्धान्तहीनता, खुराफात, किनबेचमा पतन भएका ओली नेपाली राजनीतिमा पुनः चतुर देखिए : बाबुराम भट्टराई

काठमाडौं ।  जनता समाजवादी पार्टीका संघीय परिषद् अध्यक्ष डा.बाबुराम भट्टराईले प्रतिपक्षी दलले वैकल्पिक सरकार बनाउन नसक्नु विडम्बना भएको बताएका छन् ।  उनले अदालत, संसद, मिडिया, आम जनताले तिरस्कार गरेका ओलीको विकल्प खोज्नैपर्ने बताएका छन् ।

सामाजिक सन्जालमा ट्वीट गर्दै डा. भट्टराईले नयाँ सरकारमा गठनमा किन चुकियो भन्दै सबैले आत्मसमीक्षा गर्नु पर्ने बताएका छन् । अहिलेको आवश्यकता महामारीबाट जनतालाई राहत दिन सक्ने नेतृत्व हुनुपर्नेमा ओलीको विकल्प दिन नसक्नु विडम्बना भएको उनको तर्क छ । 

भट्टराई सामाजिक सञ्जाल ट्विटरमा लेखेका छन्, ‘जनतालाई कोरोना आतंकबाट राहत दिन सक्ने वैकल्पिक सरकार दिन प्रतिपक्षी दलहरू चुक्नु विडम्बनापूर्ण भएको छ,’ ‘सिद्धान्तहीनता, खुराफात, किनबेचमा पतन भएको नेपाली राजनीतिमा ओली पुनः चतुर साबित भएका छन् । अदालत,संसद,मिडिया,आम जनताले तिरस्कार गरेका ओलीको विकल्प खोज्नैपर्छ। सबैले आत्मसमीक्षा गरौं ।’