गण्डकीमा फेरि एमालेकै सरकार, पृथ्वीसुब्बा गुरुङ पुनः मुख्यमन्त्री

पोखरा । गण्डकी प्रदेशमा पुनः एमालेकै सरकार बन्ने भएको छ । मुख्यमन्त्रीका लागि दावी पेस गरेका नेपाली कांग्रेसका कृष्ण चन्द्र नेपाली पोखरेलले बहुमत पुष्टि गर्न नसकेपछि ठूलो दलको हैसियतमा एमालेकै सरकार बन्न लागेको हो । पुनः एमालेका पृथ्वीसुब्बा गुरुङ मुख्यमन्त्रीमा नियुक्त भएका छन् । 

प्रदेश प्रमुख सीताकुमारी पौडेलले प्रदेशसभामा ठूलो दलको हैसियतमा एमालेका संसदीय दलका नेता गुरुङलाई सरकार गठन गर्न आह्वान गरेपछि गुरुङ पुनः मुख्यमन्त्री नियुक्त भएका हुन् । 

गण्डकी प्रदेशको मुख्यमन्त्रीका लागि दावी पेस गरेका नेपाली कांग्रेसका कृष्ण चन्द्र नेपाली पोखरेलले बहुमत पुष्टि गर्न नसकेपछि ठूलो दलको हैसियतमा एमालेकै गुरुङ मुख्यमन्त्री बनेका छन् ।  
नयाँ सरकार गठनका लागि विपक्षी दलले समय सीमाभित्र बहुमत (३१ सांसदको हस्ताक्षर) जुटाउन नसकेपछि पुनः गुरुङ नै मुख्यमन्त्री बने । आजै पद तथा गोपनियताको सपथ लिन गुरुङ प्रदेश प्रमुख निवासमा पुगेका स्रोतको भनाइ छ ।