सप्तरीमा ट्रकको ठक्करबाट श्रीमानश्रीमतीको मृत्यु

सप्तरी । सप्तरीमा ट्रकको ठक्करबाट श्रीमानश्रीमतीको मृत्यु भएको छ। मृत्यु हुनेमा हनुमाननगर कंकालिनी नगरपालिका–३ का ४५ वर्षीय सत्यनारायण मण्डल र उनकी पत्नी ४० वर्षीया सुनीतादेवी मण्डल रहेको जिल्ला प्रहरी कार्यालयले जनाएको छ । 

पूर्वपश्चिम राजमार्गअन्तर्गत पूर्वबाट पश्चिम आउँदै गरेको ना ६ ख ३८६१ नम्बरको ट्रकले विपरीत दिशातर्फ जाँदै गरेको साइकललाई हनुमाननगर कंकालिनी १ स्थित राजमार्ग खण्डमा ठक्कर दिएपछि मण्डल दम्पती गम्भीर घाइते भएका थिए।

घाईते दुवैजनालाई उपचारका लागि भारदह अस्पताल लैजाने क्रममा मृत्यु भएको हो । ट्रक चालकलाई प्रहरीले नियन्त्रणमा लिएकोजनाएको छ।