अफगानिस्तानमा विद्यालय भवन बाहिर विस्फोट, कम्तीमा ३० जनाको मृत्यु

अफगानिस्तान । अफगानिस्तानको राजधानी काबुलमा एउटा  विद्यालय भवन बाहिर विस्फोट हुँदा कम्तीमा ३० जनाको मृत्यु भएको छ । विस्फोटमा अरू दर्जनौँ घाइते भएका छन् । विद्यालयबाट बालबालिकाहरू निस्किरहेको बेलामा शनिवार विस्फोटन भएको अधिकारीहरूले जनाएका छन् ।

हताहत हुनेमध्ये अधिकांश छात्रा भएको अफगानिस्तानकमो शिक्षा मन्त्रालयले जनाएको छ ।

दश्त-ए-बर्चीमा भएको उक्त घटनाको जिम्मेवारी अहिलेसम्म कसैले लिएको छैन । त्यो क्षेत्रमा प्रायः सुन्नी लडाकूहरूले आक्रमण गर्दै आएको उनीहरूले नै आक्रमण गरेको हुन सक्ने प्रहरीले जनाएको छ ।