गोकुल बाँस्कोटाको टिप्पणी : माधव नेपालले अदालत धाएर सिद्धान्तको राजनिति छाडे, नेपाल भन्दा बादलको बाटो सही

काठमाडौं । नेकपा एमालेका नेता गोकुल बाँस्कोटाले माधव नेपालले अड्डा अदालत धाएर सिद्धान्तको राजनीति छाडेको भन्दै कटाक्ष गरेका छन् ।
मंगलवार सामाजिक सञ्जालमार्फत बास्कोटाले अदालत धाएर राजनीति सफल नहुने, त्यसका लागि राजनीतिक निर्णय लिनुपर्ने बताएका छन् । 

राजनीतिमा रामवहादुर थापा बादलहरुको बाटो सही रहेको टिप्पणी गर्दै उनले नेपाल समुहले राजनितिको बाटो विराएर अदालत पटक पटक गएको उल्लेख गरेका छन् ।  उनले सामाजिक संजालमा लेखेका छन्–‘कुन्ती मोक्तानको गीत ‘कतिन्जेल धाउँछौ दाइ धरान धनकुटा’लाई गित उल्लेख गर्दै अदालत धाएर राजनीति सफल नहुने, त्यसका लागि राजनीतिक निर्णय लिनुपर्ने बताएका हुन् ।

अगाडी भनेका छन्, ‘कमरेड नेपाल आधा शताब्दीदेखि सिद्धान्तको राजनीति गर्दै आएको हुँ भन्छन् तर आजभोलि अदालत धाएको हेर्दा कानूनका नौ सिङ्गवाला पो लाग्यो । कानुनको भन्दा राजनीतिमा रामवहादुरकै बाटो सही । कठिन छ, तन एमालेतिर मन प्रचण्डतिर भएको वर्तमान परिप्रेक्ष्यमा ।’ 

माधव नेपालसहितका नेताहरु एमालेबाट आफूहरुमाथि हुने सम्भावित कारवाही रोक्न माग गर्दै पछिल्लो पटक सर्वोच्च अदालत गएका थिए । अदालतले उनीहरुको माग बमोजिम अन्तरिम आदेश दिन अश्वीकार गरेको छ ।