दुई मोटरसाइकल एक आपसमा ठोक्किँदा २ जनाको मृत्यु

जनकपुर । धनुषामा दुई मोटरसाइकल एक आपसमा ठोक्किँदा २ जनाको मृत्यु भएको छ । एकजना घाइते भएका छन् । दुर्घटनामा धनुषाको मिथिला नगरपालिका–८ का २६ वर्षीय सुनिल शर्मा र २० वर्षीय भोला महतोको मृत्यु भएको हो । 

इलाका प्रहरी कार्यालय ढल्केबरका अनुसार तीव्रगतिमा रहेको प्रदेश २–०२–००२ प ६०३६ र प्रदेश २–०२–००३ प २८७७ नम्बरको मोटरसाइकल  एक आपसमा ठोक्किँदा दुर्घटना भएको हो ।  

दुर्घटनामा परि गम्भीर घाइते भएका दुबै युवकलाई उपचारका लागि जनकपुरधाम ल्याउने क्रममा एक जनाको बाटोमा र अर्काको उपचारको क्रममा जनकपुरमा मृत्यु भएको हो । मोटरसाइकलको पछाडि बसेका २५ वर्षीय सन्तोष महतो भने गम्भीर घाइते भएका छन् ।