सकियो ओली र माधव नेपाल बीचको भेटवार्ता, दुवै नेता प्रफुल्ल मुद्रामा बाहिरिए

काठमाडौं । नेकपा एमाले विभाजनको उत्कर्षमा पुगेका बेला प्रधानमन्त्री तथा एमाले अध्यक्ष केपी शर्मा ओली र बरिष्ठ नेता माधवकुमार नेपालबीच भेटवार्ता भेटवार्ता सकिएको छ ।

 असन्तुष्ट नेता नेपालसँग सहमति खोज्न पार्टी अध्यक्षसमेत रहेका ओली बालुवाटारबाट नागपोखरीस्थित होटल मेरियट पुगेका थिए।

त्यहाँ दुई नेताबीच वार्ताको वातावरण मिलाउन अर्थमन्त्री एवम् एमाले नेता विष्णुप्रसाद पौडेल पुगेका थिए। दुई नेतालाई वान टु वान वार्तामा राखेपछि नेता पौडेल मेरियटबाट निस्किएका थिए ।

प्रधानमन्त्री ओलीका आर्थिक सल्लाहकार मोती दुगडले नेताहरुको अनुहार प्रफुल्लित देखिएको हुँदा छलफल सकारात्मक भएको बताए । तर उनी वार्तामा सहभागी भने भएका थिएनन् ।