माधव नेपालसहित चार नेतालाई एमालेमा फर्किन ओलीले दिए अन्तिम मौका

काठमाडौं । माधव नेपालसहित चार नेतालाई दुई दिनभित्र नेकपा एमालेमा फर्किन प्रधानमन्त्री केपी शर्मा ओलीले अन्तिम मौका दिएका छन् ।

पार्टी अध्यक्षसमेत रहेका ओलीले माधव नेपालसहितका चार नेतालाई एमालेको पक्षमा आउने प्रतिबद्धतासहितको सप्रमाण जवाफ आएमा सांसद पदबाट कारवाही नगरिने जनाएका छन् । ओलीले अन्तिम मौका भन्दै माधव नेपालसहित चार नेतासँग जवाफ मागेका छन् ।
नेपालसहित सुरेन्द्र पाण्डे, भीम रावल र घनश्याम भुसाललाई दुई दिनभित्र जवाफ मागेका छन् । 

ओलीले नेपालमाथि नयाँ राजनीतिक दल खोलेको आरोपसमेत लगाएका छन् । दुई दिनभित्र एमालेमा फर्किने प्रतिबद्धता र प्रमाण नदिए कुनै पनि बखत कारवाही हुने चेतावनी ओलीले दिएका छन् ।