काठमाडौँ । नयाँ प्रजातिको कोरोना बढेको भन्दै विद्यालय कम्तीमा ३ साता बन्द गर्ने प्रस्ताव गरेको छ । कोभिड–१९ संकट व्यवस्थापन केन्द्र (सीसीएमसी) बैठकले यस्तो प्रस्ताव मन्त्रिपरिषद्मा लगेको छ ।
मन्त्रिपरिषदले तीन साता विद्यालय बन्द गर्न प्रस्ताव स्वीकार गरे फेरि विद्यालयहरु बन्द हुनेछन् । सपिङ मल, नाचघर, सिनेमा हल, पार्टी प्यालेस, हेल्थ क्लब, स्विमिङ पुललगायतका क्षेत्रमा जनस्वास्थ्यका मापदण्डहरु पूर्ण रुपमा पालना नभएको सीसीएमसीको बैठकले जनाएको छ । जनस्वास्थ्यका मापदण्डहरु पूर्ण रुपमा पालनामा कडाइका साथ अनुगमन गर्न निर्देशन पनि बैठकले दिएको छ ।
बैठकले कोरोना संक्रमणको दोस्रो लहर फैलिन सक्ने भन्दै सतर्कता अपनाउन अपील गरेको छ ।सीमा नाकाहरुमा सञ्चालनमा आएका हेल्थ डेस्कहरूलाई थप प्रभावकारी बनाउने, एन्टिजेन टेष्टलाई बढाउने, कोभिड संक्रमण भई लक्षण देखा परेका बिरामीलाई अस्पताल भर्ना गर्ने र लक्षण नदेखिएकालाई क्वारेन्टाइनमा राख्ने निर्णय पनि बैठकले गरेको छ ।
प्रतिक्रिया दिनुहोस
सफल खबर संवाददाता
आइतबार, २९ चैत्र २०७७, १० : ०७
लेखकबाट थप
सम्बन्धित समाचारहरु
चिसो बढेपछि सोलुखुम्बुका विद्यालय बन्द
चिसो बढेपछि मुगुमा एक महिना विद्यालय बन्द
आँखा पाक्ने समस्या देखिएपछि दुई दिन विद्यालय बन्द
गर्मी बढेपछि सर्लाहीका विद्यालय बन्द, सञ्चालित परीक्षा यथावत