सुदूरपश्चिमका तीन जनामा नयाँ भेरियन्टको कोरोना

कैलाली । सुदूरपश्चिमका तीन जनामा नयाँ भेरियन्टको कोरोना संक्रमण देखिएको छ । कैलालीको त्रिनगर नाका हुँदै भारतबाट फर्केका उनीहरूको स्वाब राष्ट्रिय जनस्वास्थ्य प्रयोगशालामा परीक्षण गर्दा  नयाँ भेरियन्टको संक्रमण पुष्टि भएको हो । 

संक्रमितहरू कञ्चनपुर, डडेल्धुरा र डोटीका हुन्। एक साताअघि उनीहरूसहित २० जनाको स्वाब संकलन गरी  जाँच गरिएको थियो।

उनीहरूमा फेला परेको कोरोनाभाइरस कुन भेरियन्टको हो भनी परीक्षण गर्न काठमाडौं पठाइएको थियो। अहिले  संक्रमित तीनै जना होम आइसोलेसनमा छन्।