प्रधानमन्त्री ओलीको रणनिति : आफ्नो विरोध गर्नेहरुलाई सास्ती दिन यस्तो सम्म बनाएका छन् योजना...

काठमाडौं । संविधानलाई नै भड्खालोमा हाल्ने गरि गैरसंवैधानिक कदम चाल्दै आईरहेका प्रधानमन्त्री केपी ओली अब पार्टी भित्रका केही नेतालाई प्रताडना दिन जेल हाल्ने र पार्टी बाहिरकालाई समेत भ्रष्टाचार मुद्दामा फसाउने प्रयासमा लागेका छन् । श्रोतहरुका अनुसार त्यही अनुसार प्रधानमन्त्री ओलीकै रणनितिमा पछिल्लो पटक सर्वोच्च अदालतमा बालुवाटारको ललिता निवास प्रकरणमा माधवकुमार नेपाल र डा. बाबुराम भट्टराई विरुद्धको मुद्दा परेको छ । 

कानुन व्यवसायी बालकृष्ण नेउपानेले दायर गरेको रिटमा सर्वोच्चले तत्कालीन मन्त्रिपरिषद्को निर्णय मगाउने फैसला पनि गरिसकेको छ । ओलीको योजनामा नै यी सबै काम भइरहेको जानकारहरुको भनाइ छ । ओलीले सर्वोच्चका प्रधानन्यायाधीशलाई समेत नेताहरु विरुद्धको मुद्दालाई प्रमुख प्राथमिकतामा राखी आफनो योजना अनुसार काम गर्न अन्यथा राम्रो नहुने भन्दै धम्की दिएको स्रोतको दावी छ ।  माधवकुमार नेपाललाई भित्तामा नै पु¥याईदिने बताउँदै आएका ओलीको प्रतिगामी सोच र चिन्तनकै कारण देशमा आएको परिवर्तनको सबै प्रक्रिया धरापमा पर्ने अवस्था सिर्जना भएको छ ।

उनले गणतन्त्रवादी र परिवर्तकारी सबै नेता तथा कार्यकर्तालाई जेल हाल्ने र आफनो निरंकुश तानाशाही व्यवस्था लागू गर्ने सोच बनाएका छन् । सोही सोच अनुसार नै राज्यका हरेक निकायलाई आफ्नो कब्जामा पारेर उनी शक्ति आर्जन गर्न लालायित छन् । एमालेको नाममा ओलीले गुटबन्दीको राम्रै हिसाब किताब गरेका छन् । अदालत मार्फत उनले पार्टीमा लामो योगदान गरेका, एमाले पार्टी बनाएका र स्थापित गरेकालाई समेत कारवाही गर्ने हर्कत गरेका छन् । सोही हर्कतको योजना अनुसार नै उनले माधव नेपाल, भीम रावल, सुरेन्द्र पाण्डे र घनश्याम भुसाललाई कारवाहीको नाटक गरेका छन् । जसलाई कारवाही गर्नुपर्ने हो, सोहीले नै अरुलाई कारवाही गरेर विधि, पद्दती, प्रणाली, नियम, कानून र संविधानको समेत हुर्मत लिने काम गरिएको छ । 

ओलीतन्त्रको अन्त्यका लागि नेपालका सबै राजनीतिक दलकाबीचमा साझा प्रयत्नको खाँचो छ, साझा प्रतिवादको खाँचो छ । सर्वोच्च अदालत, अख्तियार दुरुपयोग अनुसन्धान आयोग जस्ता संवैधानिक आयोग र निकायलाई समेत पंगु बनाएर आफु केन्द्रित शक्तिका अभ्यास गर्न खोजेका ओलीलाई कानूनी कारवाहीका साथ साथै राजनीतिक कारवाही समेत जरुरी रहेको राजनीतिक विश्लेषकहरुको ठहर छ ।  ओलीले विरोधी सिध्याउने अभियान अन्तर्गत नै माधव नेपाल र डा बाबुराम भट्टराई विरुद्ध पहिलो निशाना साँधेका छन् । यसमार्फत अरु नेता तथा कार्यकर्तालाई तर्साउने उनको नीति रहेको छ । यस्तै, जमानामा नै मिलेसकेको लडाकुको भक्ताका सम्बन्धमा अनियमितता भएको भन्ने आरोपमा समेत पूर्व माओवादीका नेता तथा कार्यकर्तालाई जेल हाल्ने उनले तयारी गरेको स्रोतको दावी छ । 

स्रोतहरुका अनुसार ओलीले आफना गुटका बाहेक अरु सबैलाई सिध्याउने योजना बनाएका छन् । सोही योजना अनुसार उनी निकटस्थ केही अनलाइनहरुमा नेपाली काँग्रेसका सभापति शेरबहादुर देउवालाई तर्साउनका लागि उनको पत्नीले अनियमितता गरेर समाचार सार्वजनिक गराएका छन् । झण्डै २ अर्ब बराबरको रकम अनाधिकृत तवरले कमाएको भन्दै सम्पत्ति शुद्धिकरण विभागले आरजू राणाको सम्पत्ति छानबिन गरिरहेको ओली निटकस्थहरुका केही अनलाइन मार्फत प्रचार गराइएको छ । त्यसबाट काँग्रेस सभापतिलाई साइजमा ल्याउन सकिने उनीहरुको सोच रहेको छ ।

परिवर्तनको पक्षमा उभिने र उनको विरोधमा रहेका सबै नेता तथा कार्यकर्तालाई जे जसरी भएपनि कारवाही गर्ने, उनीहरुको राजनीतिक जीवन सिध्याउने तथा उनीहरुलाई जनताको नजरमा अपराधी सिद्ध गरेर देशमा लुटतन्त्र चलाउने योजनामा ओली छन् ।  माधव नेपालहरुको शब्दमा सरकारी साधन र स्रोतको दुरुपयोग गरेर बालुवाटामार बैठकको आयोजना गर्ने, राज्यकोषको दुरुपयोग गरेर दैनिक जसो नै भोजभतेर गर्ने, नाच गान गराउने काममा ओली सक्रिय छन् । राज्यकोषको रकम खर्च गरेपछि सार्वजनिक रुपमा जानकारी दिनुपर्ने र खर्च विवरण वेवसाइट मार्फत आम जानकारीका लागि सार्वजनिक गर्नुपर्नेमा ओलीले त्यो समेत गरेका छैनन् । 

कहिले व्यापारीका नाममा, कहिले गुट भेलाका नाममा, कहिले कार्यकर्ता प्रशिक्षणको नाममा, कहिले केन्द्रीय कमिटिको बैठकको नाममा ओलीले राज्यकोषको नराम्ररी दुरुपयोग गरेका छन् । ओलीका मान्छेहरु कहिले मारवाडी भोजको चर्चा गरेर आफनो हैसियत आफै घटाउन उद्यत् छन्, भने कहिले रात्रीभोज तथा दिवाभोजका नाममा राज्यकोषको लुटपाटमा लागेका छन् ।  राजनीतिक संक्रमणको फाइदा उठाएर देशको ढुकुटीको व्यवस्थापन गर्ने अर्थमन्त्रालयका विभागिय मन्त्री नै रकमान्तर गरेर आफनो निर्वाचन क्षेत्रमा बजेटको खोलो बगाएका छन् । राज्यकोषबाट यसरी अनाधिकृत रुपमा रकम लैजानेमा भौतिक पूर्वाधार मन्त्री वसन्त नेम्वाङ, ७० करोडको घुसकाण्डमा परेका गोकूल बाँस्कोटा, तस्करीलगायतका दादागिरी हर्कतमा रमाएका महेश बस्नेतले समेत सक्रिय भुमिका निर्वाह गरेका छन् । 

उनीहरुले राज्यकोषको दोहन गरिरहँदा चुपचाप बस्ने ओलीले भने आफना विरोध गरेकै अभियोगमा केही नेताको राजनीतिक जीवन नै सिभ्याइदिने षड्यन्त्रमा लागिपरेका छन् । स्रोतहरुका अनुसार ओलीले आफना गुटका बाहेक अरु सबैलाई सिध्याउने योजना बनाएका छन् । सोही योजना अनुसार उनी निकटस्थ केही अनलाइनहरुमा नेपाली काँग्रेसका सभापति शेरबहादुर देउवालाई तर्साउनका लागि उनको पत्नीले अनियमितता गरेर समाचार सार्वजनिक गराएका छन् । 

झण्डै २ अर्ब बराबरको रकम अनाधिकृत तवरले कमाएको भन्दै सम्पत्ति शुद्धिकरण विभागले आरजू राणाको सम्पत्ति छानबिन गरिरहेको ओली निटकस्थहरुका केही अनलाइन मार्फत प्रचार गराइएको छ । त्यसबाट काँग्रेस सभापतिलाई साइजमा ल्याउन सकिने उनीहरुको सोच रहेको छ । काँग्रेस सभापति देउवाको नेतृत्वमा नयाँ सरकार गठन हुन लागेको चर्चाका बीचमा ओली र उनका निकटस्थले यस्तो हल्ला चलाएका छन् ।  एमाले र माओवादीका नेतालाई भ्रष्टाचार मुद्दामा दुःख दिने, काँग्रेसका नेतालाई सम्पत्रि शुद्धिकरणमा तान्ने उनको साजिसको क्रमशः पर्दाफास हुन लागेको छ । निभ्ने बेलामा बत्ती पनि चहकिलो बल्छ भने जस्तै गरी सबैतिरबाट एक्लिएका ओलीले विगतका सरकारले गरेका राम्रा कामलाई समेत आफैले गरेको भन्दै प्रचार गराएका छन् । ओलीको कार्यकालमा कुनै पनि काम नभएपछि जसरी भएपनि आफू राम्रो रहेको देखाउन ओलीले हुने नहुने सबै काम गरिरहेका छन् । 

ओली प्रधानमन्त्री भएको तीन वर्षमा प्रत्येक नेपालीको टाउकोमा झण्डै ५१ हजार बराबरको ऋण पुगेको छ । व्यापारिक साझेदार यति समूहलाई पूर्व राजपरिवारका महत्वपूर्ण र व्यापारिक दृष्टिले समेत महत्वपूर्ण मानिएका स्रोत तथा साधन सुम्पिइएको छ । ओम्नी प्रकरण, स्वास्थ्य सामग्रीमा भ्रष्टाचार, मलकाण्ड, बुढीगण्डकी काण्ड जस्ता सयौं काण्ड तीन वर्षको बीचमा भएको छ । जताततै , भ्रष्टाचार, कुशासन, भ्रष्टाचार तथा अनियमितता मौलाएको छ ।  पछिल्ला दिनमा मात्रै व्यापारीलाई खुसी बनाउने भन्दै भृकुटी कागज कारखानाको झण्डै १५ अर्ब बराबरको जग्गा बिक्री गर्न दिने निर्णय पनि उनले गरेका छन् ।

जानकारहरुका अनुसार ओलीका नजिक भनिएका सबैजसो नेताहरु एउटा न एउटा भ्रष्टाचार काण्डमा फसेका छन् । ओलीका खास मान्छे भनिएका विष्णु पौडेललाई एमालेभित्र अग्रवालको नामले चिनिन्छ । बालुवाटारको ललिता निवास प्रकरणमा जोडिएका भएपनि उनलाई कुनै कारवाही भएन ।  यस्तै, ओलीका अर्का खास मान्छे, शंकर पोखरेलले लुम्बिनी प्रदेशमा गरेको लुटपाटको कुनै हिसाब नभएको सो प्रदेशका प्रमुख सचिवको कार्यालयका एक शाखा अधिकृतले जानकारी दिएका छन् । भानुभक्त ढकाल स्वास्थ्य सामग्रीको खरिदमा गरेको भ्रष्टाचारका कारण नराम्ररी गन्हाएका छन् । गोकूल बाँस्कोटा ७० करोड प्रकरणमा जोडिएपनि अरुलाई अर्ती उपदेश दिएर बसेका छन् । उपप्रधानमन्त्री रहेका ईश्वर पोखरेलले समेत सम्पत्ति शुद्धिकरण अनुसन्धान विभागले गरेको छानबिनको कागज देखाएर व्यापारीसँग पैसा उठाउन नै उद्यत् रहेका छन् । प्रदीप ज्ञवालीको अवस्था पनि उस्तै छ । 

वनमन्त्री बनाइएका प्रेमबहादुर आलेको अवस्था पनि त्यस्तै छ । कसरी पैसा कमाउनेमा नै उनीहरुको ध्याउन्न छ । ओली गुटमा लागेका लेखराज भट्टको ध्यान नै जसरी भएपनि पैसा कमाउने भन्दा अरु तर्फ छैन । यसरी ओलीको नाममा जसरी भएपनि पैसा कमाउने र राज्यस्रोतको दोहनमा लागेकालाई नै कारवाहीको दायरामा ल्याउन पहल गर्नुपर्ने आम जनसमुदायको भनाइ छ । ओलीले विरोधीलाई दबाउन जे जस्तो सुकै कदम चालेपनि एक न एक दिन ओली र उनका मतियार समेत कानूनी दायरामा आउनेछन् र उनीहरुलाई नेपाली जनताले नै नसिहत दिन्छन् ।