आज दिनभरको मौसम कस्तो रहला ?

काठमाडौं । देशका पहाडी भूभागमा आंशिक देखि सामान्य  बदली रही अपरान्हपछि प्रदेश १ र गण्डकी प्रदेशका एक दुई स्थानमा मेघगर्जन–चट्टयाङ्ग सहित हल्का वर्षाको सम्भावना रहेकोले आवश्यक सतर्कता अपनाउन जल तथा मौसम पूर्वानुमान महाशाखाले जनाएको छ । 

 महाशाखाले हाल देशमा स्थानीय वायुको सामान्य प्रभाव रहेको पनि जनाएको छ । महाशाखाले शनिबार बिहान निकाले मौसम पूर्वानुमानसम्बन्धी बुलेटिनमा शनिबार दिउँसो प्रदेश १ र गण्डकी प्रदेशका पहाडी भूगमा आंशिक देखि सामान्य  बदली र अन्य प्रदेशका पहाडी भूभागमा आंशिक बदली रही बाँकी भूभागमा मौसम सामान्यतया सफा  रहने उल्लेख गरेको छ ।

यस्तै  प्रदेश १ र गण्डकी प्रदेशका एक दुई स्थानमा मेघगर्जन–चट्टयाङ्ग सहित हल्का वर्षाको सम्भावना रहेको महाशाखाको भनाइ छ ।