काठमाडौँ । आँउदो चैत ९ गतेबाट दुर्लभ एकसिंगे गैंडा गणना शुरु हुने भएको छ । गत वर्ष नै हुनुपर्ने गणना कोरोना महामारीका कारण स्थगित भएको थियो । राष्ट्रिय निकुञ्ज तथा वन्यजन्तु संरक्षण विभागले चितवन राष्ट्रिय निकुञ्जबाट गणना सुरु गर्ने निर्णय गरेको विभागले जनाएको छ ।
गैंडा गणना हरेक ५ वर्षमा गैंडा गणना गरिन्छ । गत वर्ष विभागले चैत १० देखि गणना गर्ने गरी सबै प्राविधिक तयारी पूरा गरे पनि लकडाउन घोषणापछि रद्द गरिएको थियो । गैंडा पाइने निकुञ्जलाई विभिन्न ब्लक बनाएर प्राविधिकहरूले एक–एक गरी गैंडा गन्छन् ।
यसका लागि हात्ती, दूरबिन र क्यामेरालगायतको प्रयोग गरिन्छ । गैंडाको संख्या, प्रजनन अवस्था, विचरण र आहाराको अवस्था थाहा पाउन गैंडा गणना गरिन्छ । गणनाको निष्कर्षअनुसार संरक्षणको रणनीति अपनाइन्छ ।
गैंडा गणनाका लागि सरकारले गत वर्षदेखि बजेट विनियोजन गर्न थालेको छ । यसअघि संरक्षणमा सघाउने दातृ निकायसँग सहयोग लिइन्थ्यो । चितवन, पर्सा, बर्दिया र शुक्लाफाँटा गरी चारवटा निकुञ्जमा गैंडा छन् । पछिल्लो पटक सन् २०१५ को गणनाअनुसार नेपालमा कुल ६ सय ४५ वटा गैंडा थिए । गैंडा पर्यटकको मुख्य आकर्षण रहँदै आएका छन् ।
गैंडा र बाघकै कारण चितवन र बर्दिया निकुञ्ज वन्यजन्तु सफारीका लागि विश्वमै प्रख्यात छन् । विभागले गणना सुरु गरेको एक महिनाभित्रै प्रतिवेदन सार्वजनिक गर्ने जनाएको छ ।
प्रतिक्रिया दिनुहोस
सफल खबर संवाददाता
मंगलबार, २५ फागुन २०७७, ११ : २०
लेखकबाट थप
सम्बन्धित समाचारहरु
सातवटा गैँडालाई आन्तरिक स्थानान्तरण गरियो
चितवन राष्ट्रिय निकुञ्जबाट तीन भाले गैँडा स्थानान्तरण
कावासोतीबाट गैँडा स्थानान्तरण सुरु
आजदेखि छवटा गैँडालाई आन्तरिक स्थानान्तरण
गैंडाको आक्रमणबाट एक जना घाइते
चितवन निकुञ्जभित्र दुई वटा गैँडा मारेको आरोपमा आठ जना पक्राउ