भैंसी चराउन गएका पुरुषलाई बाघले झम्टिएर लगेपछि...

काठमाडौं । बर्दियामा भैँसी चराउन गएका एक पुरुषलाई बाघले झम्टिएर लगेको छ । बर्दिया राजापुर १० का एक व्यक्तिलाई भैँसी चराउन गएका बेला बाघले झम्टिएर लगेको प्रहरीले जनाएको छ । 

लुम्बिनी प्रदेशका डीआईजी रवीन्द्र धानुकले भैँसी चराउन गएका बेला एक पुरुषलाई बाघले लगेको जानकारी दिए । हात्तीको सहारामा उनको खोजी गरिएको प्रहरीले जानकारी दिएको छ । राजापुर–१० का लालबहादुर थारु भैँसी चराउन गएका बेला बाघले झम्टिएको थियो । 

राति नै उनको शव फेला परेको प्रहरीले जनाएको छ । बर्दियामा बाघको संख्या बढ्दा अधिकांश स्थानको जंगलमा बाघ देखिन थालेका छन् । पछिल्लो समय बाघको आक्रमणमा परि सर्वसाधारणको मृत्यु हुने संख्या पनि बढेको छ ।