काँग्रेस सभापति देउवा भन्छन् :  ‘सर्वोच्चको फैसला ऐतिहासिक’

सफल खबर संवाददाता

मंगलबार, ११ फागुन २०७७, २० : १७
काँग्रेस सभापति देउवा भन्छन् :  ‘सर्वोच्चको फैसला ऐतिहासिक’

काठमाडौँ । नेपाली कांग्रेसका सभापति शेरबहादुर देउवाले सर्वोच्च अदालतले प्रतिनिधिसभा पुनःस्थापनाको फैसला गरेरऐतिहासिक कदम चालेको  भएको भन्दै स्वागत गरेका छन् । उनले आज सांझ प्रेस विज्ञप्ती जारी गर्दै सो कुरा उल्लेख गरेका हुन् । 

Yeti Diistillery Tansen Cement box

ओली नेतृत्वको नेकपाको सरकारले प्रतिनिधि सभा विघटन गरेको घटनालाई नेपाली कांग्रेसले तत्काल नै असंवैधानिक, अलोकतान्त्रिक, अधिनायकवादी र सर्वसत्तावादी कदम भनी निर्णय गरेको पनि उनले बताएका छन् । कांग्रेसले अदालतमा विचाराधीन मुद्दामा आफ्नो पक्षमा फैसला गराउन कसैले पनि दबाब दिन नहुने र सर्वोच्च अदालतले गर्ने फैसलालाई सम्मान गर्ने कुरा सार्वजनिक गर्दै आएको पनि उनले विज्ञप्ति मार्फत जनाएका छन् ।

उनले सामाजिक संजालमा ट्वीट गर्दै भनेका छन्,ुसर्वोच्च अदालतको फैसला स्वागतयोग्य छ । मैले सुरुदेखि नै संसद विघटनमा सर्वोच्चलाई स्वतन्त्र रुपमा फैसला गर्न सघाउनु पर्छ भन्दै आएको थिएँ । सोही अनुसार सर्वोच्च अदालतले स्वतन्त्र रुपमा संसद पुनःस्थापना गर्ने एतिहासिक फैसला गरेको छ। कांग्रेस सर्वोच्चको उक्त फैसलाको स्वागत गर्दछ ।'

सर्वोच्च अदालतको फैसला स्वागतयोग्य छ।मैले सुरुदेखिनै संसद विघटनमा सर्वोच्चलाई स्वतन्त्र रुपमा फैसला गर्न सघाउनु पर्छ भन्दै आएको थियो।सोही अनुसार सर्वोच्च अदालतले स्वतन्त्र रुपमा संसद पुनःस्थापना गर्ने एतिहासिक फैसला गरेको छ। कांग्रेस सर्वोच्चको उक्त फैसलाको स्वागत गर्दछ। 

यस्तै, उनले सर्वोच्चले संसद् विघटन बदर गरेर संवैधानिक दायित्व पुरा गरेको पनि बताएका छन् । उनले अदालतको संवैधानिक इजालशका न्यायधीहरुलाई पनि धन्यवाद दिएका छन् ।