बार्सिलोनाको जितमा मेस्सीले गरे दुई गोल

एजेन्सी । बार्सिलोनाले स्पेनिस ला लिगा फुटबल अन्तर्गत बार्सिलोनाले एलाभेसलाई पराजित गर्दै शानदार जित निकालेको हो । शनिबार राति घरेलु मैदानमा भएको खेलमा बार्सिलोनाले एलाभेसलाई ५–१ ले पराजित गरेको हो ।

बार्सिलोनाको जितमा माचाडो ट्रिन्काओ र लियोनल मेस्सीले दुई–दुई तथा फिर्पोले एक गोल गरे । एलाभेसका लागि रिओजाले एक गोल फर्काए ।
माचाडोले २९ र ७४ औँ तथा मेस्सीले पहिलो हाफको इन्जुरी समयको पहिलो तथा ७५ मिनेटमा र फिर्पाले ८० औँ मिनेटमा गोल गरेका हुन् ।

एलाभेसका लागि रिओजाले ५७ औँ मिनेटमा एक गोल फर्काए । जितपछि दोस्रो स्थानमा उक्लिएको बार्सिलोनाको २२ खेलबाट ४६ अंक भएको छ । समान खेलबाट समान ४६ अंक नै भए पनि रियल मड्रिड तेस्रो स्थानमा झरेको छ । शनिबार राति नै भएको खेलमा शीर्ष स्थानको एथ्लेटिको मड्रिडले ग्रानाडालाई २–१ ले पराजित गरेको छ । एथ्लेटिकोको २१ खेलबाट ५४ अंक छ ।