आजदेखि मौसममा सुधार

पत्रपत्रिकाबाट

आइतबार, २५ माघ २०७७, ०८ : १२
आजदेखि मौसममा सुधार

काठमाडौं । पश्चिमी न्यूनचापीय प्रणालीका कारण हाल कायम रहेको बदली आइतबारदेखि हट्दै गएको छ । 

गोरखापत्र दैनिकका अनुसार हल्का हिउँदे वर्षा र उच्च हिमाली भेगमा हिमपात गराउन सक्रिय रहेको पश्चिमी वायुको प्रभाव शनिबार रातिदेखि विस्तारै कम हुँदै गएको र आइतबारदेखि मौसम सफा हुँदै जाने छ ।

शनिबारसम्म  सुदूरपश्चिम  र  कर्णाली  प्रदेशमा  आंशिक बदली रही बाँकी प्रदेशका भूभागमा आंशिकदेखि सामान्य बदली रहेको थियो । प्रदेश १ का धेरै स्थान तथा प्रदेश २, बागमती प्रदेश र गण्डकी प्रदेशका केही स्थानमा  हल्का  वर्षा  भएको  थियो  ।  

शनिबार  राति  हिमाली भेगमा हल्का हिमपात भए पनि अन्यत्र सामान्य बदलीको सम्भावना रहेको मौसमविद् सजिना शाक्यले जानकारी दिइन् ।

प्रतिक्रिया दिनुहोस