चितवनमा बन्दको प्रभाव : सडक सुनसान, चोकचोकमा सुरक्षाकर्मीको बाक्लो उपस्थिती (फोटो फिचर)

चितवन । नेपाल कम्युनिष्ट पार्टी (नेकपा) को प्रचण्ड–माधव समूहले आव्हान गरेको बन्दको प्रभाव चितवन सहित देशभर परेको छ । प्रशासनले हड्तालमा पनि सवारी साधन सञ्चालन गर्न यातायात व्यवसायीलाई निर्देशन दिए पनि सडकमा यातायातका साधनहरु स्वतस्फुर्त रुपमा कम चलेका छन् । 

हड्ताल सफल बनाउन बिहानैदेखि चितवनका विभिन्न चोक चौराहामा कार्यकर्ताहरु सडकमा उत्रिएका छन् । यता बन्दमा कुनै अप्रिय घटना हुन नदिन नगरको विभिन्न स्थानमा स्थानिय प्रशासनले ठुलो संख्यामा सुरक्षाकर्मी परिचालन गरेका छन् । 

प्रधानमन्त्री केपी ओलीले संवैधानिक निकायहरूमा असंवैधानिक रुपमा नियुक्तिलगायतका काम गरेको भन्दै दाहाल–नेपाल समूहले बन्द आज आव्हान गरेका हुन् ।