भारतले आगामी वर्षको बजेट आज ल्याउँदै

एजेन्सी । भारतले सोमबार आर्थिक वर्ष २०२१–२२ को बजेट ल्याउँदैछ । भारतकी अर्थमन्त्री निर्मला सीतारमणले कागजबिहीन अर्थात ट्याबलेटबाट बजेट भाषण गर्न लागेको भारतीय सञ्चारमाध्यमले जनाएका छन् । प्रविधिमैत्री बन्दै भारत सरकारले पहिलोपटक पेपरलेस बजेट भाषण गर्न लागेको हो । 

बीसीसी हिन्दीका अनुसार सीतारमण  र अर्थराज्यमन्त्री अनुराग ठाकुर केन्द्रीय बजेट पेश गर्नका लागि मन्त्रालय पुगिसकेका छन् । बजेट भाषण हुँदैगर्दा सबै सांसदहरुलाई पनि डिजिटल कपी वितरण गरिएको छ । 

भारत सरकारले कोरोनाबाट थपिएको अर्थतन्त्रलाई पुनर्ताजगी दिनेगरी बजेट ल्याउन लागेको बताइएको छ ।